સુરતઃ દેશના સુરક્ષિત ગણાતા રાજ્યમાં નકસલવાદે દસ્તક દીધી હોય તેવી વધુ એક ઘટના સામે આવી છે. થોડા મહિના પહેલા રાજ્યમાંથી 3 નક્સલીને ગુજરાત ATS એ ઝડપી પાડ્યા હતા. ત્યારે આજે વધુ એક નકસલી ઝડપાયા છે. આ ઘટનાને પગલે સમગ્ર પંથકમાં ચકચાર મચી જવા પામી છે.

મળતી વિગત પ્રમાણે, કોસંબાના ફેરડીલ પાર્કમાં આવેલી કુસુમગર કંપનીમાં છેલ્લા 3 વર્ષથી મશીન મેકેનિક તરીકે નકસલી કામ કરી રહ્યો હતો. તે ઝારખંડના પલામુ જિલ્લાનો વતની અને નામ ગુડ્ડસિંહ અનિરુદ્ધ સિંહ છે.



ઝારખંડ અને કોસંબા પોલીસે સંયુક્ત રીતે કામગીરી કરી હતી. પકડાયેલો નક્સલવાદી 2011 અને 2013ના આર્મ્સ એક્ટ તેમજ અન્ય ગુનામાં વોન્ટેડ હતો.