વડોદરાઃ પરણીત પ્રેમી યુગલની પ્રેમ કહાનીનો કરુણ અંત આવ્યો છે. સુરતનું પ્રેમી યુગલ ભાગીને વડોદરાની હોટલમાં રોકાયું હતું. જોકે, પોલીસ ત્યાં આવી પહોંચતાં પ્રેમીએ હોટલના બીજા માળેથી મોતની છલાંગ લાગાવી દીધી હતી. પ્રેમી પાછળ પ્રેમિકા પણ કૂદવા જઈ રહી હતી. પરંતુ પોલીસે તેને બચાવી લીધી હતી. આ ઘટનામાં પ્રેમીનું મોત નીપજ્યું છે.
આ અંગેની વિગતો એવી છે કે, સુરતમાં કાપડની લૂમ્સની ફેક્ટરી ધરાવતા શરદ ભીસરા(ઉં.વ. 30)ને 24 વર્ષીય પરણીતા સાથે છેલ્લા દોઢ વર્ષથી પ્રેમસંબંધ હતા. શરદ પોતે પણ પરણીત છે અને તેને બે વર્ષની પુત્રી પણ છે. ગત 19મી ઓક્ટોબરથી યુવતી ઘરેથી નીકળી ગઈ હતી. જેથી પતિએ સ્થાનિક પોલીસ સ્ટેશનમાં પત્ની ગુમ થયાની ફરિયાદ નોંધાવી હતી.
આ પરણીતા વડોદરાની અમિટી હોટલમાં રોકાઈ હતી. તેમજ ત્યાંથી 24મીએ ચેક આઉટ કરી નીકળી ગઈ હતી. હોટલમાં તેણે જોબ પર્પઝથી આવી હોવાનું રજિસ્ટરમાં નોંધ્યું હતું. જોકે, 24મી ઓક્ટોબરે બપોલે પ્રેમી શરદ સાથે તેણે ચેક ઇન કર્યું હતું. તેમજ બીજા દિવસે વહેલી સવારે આ ઘટના બની હતી.
વડોદરાના સયાજીગંજમાં ડેરી ડેન સર્કલ પાસે આવેલી હોટલ અમિટીના બીજા માળેથી પ્રેમી શરદ કૂદી ગયો હતો. જોકે, પ્રેમી પાછળ કૂદવા જઇ રહેલી પ્રેમિકાને પોલીસે બચાવી દીધી હતી. સયાજીગંજ પોલીસે યુવાનના મૃતદેહને પોસ્ટમોર્ટમ માટે મોકલીને વધુ તપાસ હાથ ધરી છે. બીજી તરફ પરણીતા પ્રેગ્નન્ટ હોવાનું જાણવા મળી રહ્યું છે. વહેલી સવારે 4 વાગ્યે પોલીસે દરવાજો ખખડાવતાં ગભરાયેલા પ્રેમીએ બારીમાંથી કૂદકો મારી દીધો હતો. તેની પાછળ યુવતી પણ મોતનો ભૂસકો મારવા માટે બારી સુધી પહોંચી હતી. જોકે, પોલીસે દોડીને યુવતીને બચાવી લીધી હતી.
Ahmedabad : એરહોસ્ટેસ યુવતીને રાજસ્થાન લઈ જઈ યુવકે પરાણે માણ્યું શરીરસુખ, યુવતીને બાંધી રાખતો ને.....
અમદાવાદઃ શહેરના નારોલ વિસ્તારમાં રહેતી અને એરહોસ્ટેસનો અભ્યાસ કરી ચુકેલી યુવતી સાથે યુવકે પરાણે શારીરિક સંબંધ બાંધ્યા હોવાની ઘટના સામે આવતાં ખળભળાટ મચી ગયો છે. પિતા સાથે ઝગડો થયા બાદ યુવતીએ એક યુવક સાથે ફૂલ હાર કર્યા હતા. જોકે, ફૂલ હાર બાદ યુવકે ત્રાસ આપવાનો શરૂ કરી દીધો હતો.
ઇન્સ્ટાગ્રામ પર ફોટો મૂકી યુવતીને ત્રાસ આપતો હતો. યુવતીના પરિવારે અન્ય યુવક સાથે લગ્ન કરાવ્યા હતા. શખ્શે યુવતીનું અપહરણ કરી રાજસ્થાન લઈ જઈ બળાત્કાર ગુજાર્યો હતો. અહીં યુવતીને બાંધી રાખતો હતો. જોકે, યુવતીએ ચાલાકી વાપરી પરિવારને જાણ કરી હતી. આ પછી રાજસ્થાન અને નારોલ પોલીસે યુવતીને મુક્ત કરાવી આરોપીની ધરપકડ કરી છે.