Delhi High Court News: દિલ્હી હાઈકોર્ટે મુખ્યમંત્રી અરવિંદ કેજરીવાલની CM Arvind Kejriwal)પત્ની સુનીતા કેજરીવાલને દારૂ નીતિ સંબંધિત કેસમાં કોર્ટની સુનાવણીનું વીડિયો રેકોર્ડિંગ સોશિયલ મીડિયા પ્લેટફોર્મ પરથી હટાવવાનો નિર્દેશ આપ્યો છે.
નોંધનીય છે કે 28 માર્ચે દિલ્હી હાઈકોર્ટમાં એક્સાઈઝ પોલિસી કેસ સાથે જોડાયેલી સુનાવણી થઈ હતી, જેનું વીડિયો રેકોર્ડિંગ કરવામાં આવ્યું હતું. આ વીડિયો રેકોર્ડિંગ સુનીતા કેજરીવાલે તેના સોશિયલ મીડિયા એકાઉન્ટ પર શેર કર્યું છે. હાઈકોર્ટે શનિવારે સુનીતા કેજરીવાલને આ વીડિયો હટાવવાનો આદેશ આપ્યો છે.
વીડિયોમાં જોઈ શકાય છે કે આમ આદમી પાર્ટી (AAP)ના રાષ્ટ્રીય સંયોજક અરવિંદ કેજરીવાલ ટ્રાયલ કોર્ટને સંબોધિત કરતા જોવા મળે છે. જસ્ટિસ નીના બંસલ કૃષ્ણા અને અમિત શર્માની બેન્ચે ઉલ્લંઘનનો આરોપ લગાવતી અરજી પર સુનિતા કેજરીવાલ અને સોશિયલ મીડિયા પ્લેટફોર્મ X, Meta અને YouTube સહિત છ લોકોને નોટિસ ફટકારી છે. કોર્ટે એક પક્ષીય વચગાળાનો આદેશ પસાર કર્યો અને કહ્યું કે આ કેસની વધુ સુનાવણી 9 જુલાઈએ હાથ ધરવામાં આવશે.
સુનીતા કેજરીવાલે આ વીડિયો ફરીથી શેર કર્યો હતો
સીએમ અરવિંદ કેજરીવાલે 28 માર્ચે સ્પેશિયલ જજ (પીસી એક્ટ) કાવેરી બાવેજાને વ્યક્તિગત રીતે સંબોધિત કર્યા હતા જ્યારે ED દ્વારા તેમની ધરપકડ પછી બીજી વખત તેમને કોર્ટમાં રજૂ કરવામાં આવ્યા હતા. આ પછી તરત જ, એડ્રેસનું ઓડિયો/વિડિયો રેકોર્ડિંગ સોશિયલ મીડિયા પર વાયરલ થયું. સુનીતા કેજરીવાલે અન્ય એકાઉન્ટ પરથી પોસ્ટ કરેલા વીડિયોને રીટ્વીટ કર્યો છે.
આ આક્ષેપ અરજીમાં કરવામાં આવ્યો હતો
ઉલ્લેખનિય છે કે, આ અરજી વકીલ વૈભવ સિંહ દ્વારા દાખલ કરવામાં આવી છે. તેમની અરજીમાં વૈભવ સિંહે દાવો કર્યો હતો કે જ્યારે અરવિંદ કેજરીવાલને 28 માર્ચે દિલ્હી એક્સાઇઝ પોલિસી કેસમાં તેમની ધરપકડ બાદ ટ્રાયલ કોર્ટમાં રજૂ કરવામાં આવ્યા હતા, ત્યારે તેમણે કોર્ટને વ્યક્તિગત રીતે સંબોધિત કરવાનું પસંદ કર્યું હતું અને કાર્યવાહીનું વીડિયો રેકોર્ડિંગ સોશિયલ મીડિયા પ્લેટફોર્મ પર પોસ્ટ કર્યું હતું જે દિલ્હી હાઈકોર્ટના કોર્ટ કોન્ફ્રસિંગ નિયમો હેઠળ નિષેધ છે.