વડોદરાના વાડી વિસ્તારમાં રહેતી મહિલા રૂકસારબાનુંને પ્રસવપીડા થતાં પરિવારજનો તેમને તાત્કાલિક રવિવારે રાત્રે શહેરની રૂકમણી ચૈનાની હોસ્પિટલ લઈ ગયા હતાં. જ્યાં તબીબોએ એક કલાકમાં એક પછી એક એમ કુલ 4 બાળકોની ડિલિવરી કરાવી હતી. જેમાં પહેલા પુત્રી અને ત્યાર બાદ 3 પુત્રનો જન્મ થયો હતો.
વડોદરાના જાણીતા ડોક્ટરનું કહેવું છે કે, મહિલાએ 4 બાળકોને જન્મ આપ્યો છે. માતાની તબિયત સારી છે પરંતુ બાળકોનું વજન ઓછું હોવાથી તેમને NICUમાં રાખવામાં આવ્યા છે. બીજી તરફ મહિલાએ એક સાથે 4 બાળકોને જન્મ આપ્યો હોવાના સમાચાર સમગ્ર વડોદરામાં ફેલાઈ થયા હતાં.