વડોદરાઃ ગુજરાતમાં આગામી 28મી ફેબ્રુઆરીએ નગર પાલિકા અને જિલ્લા-તાલુકા પંચાયતની ચૂંટણીઓ યોજાવાની છે. તેમજ આ માટેની ઉમેદવારી પરત ખેંચવાનો છેલ્લો દિવસ છે, ત્યારે પાદરા નગરપાલિકામાં કોંગ્રેસને મોટો ઝટકો લાગ્યો છે. પાદરાના વોર્ડ નંબર-2માં કોંગ્રેસની પેનલના 4 ઉમેદવારોએ ઉમેદવારી પત્રો પરત ખેંચ્યા છે.

પાદરા વોર્ડ નંબર 2માં હવે માત્ર 5 ઉમેદવારો રહ્યા છે. ભાજપના 4 અને આમ આદમીના 1 મળી 5 ઉમેદવારો રહ્યા છે. કોંગ્રેસના હિતેશ ગાંધી, લુપીન ગોહિલ, પીનલ પટેલ તથા ગુલનાઝ મન્સૂરીએ ઉમેદવારી પત્રો પરત ખેંચ્યા હતા. વોર્ડ નંબર 2 માં ભાજપ સામે ફક્ત આમ આદમીનો એક ઉમેદવાર રહ્યો છે.

કોંગ્રેસ શહેર પ્રમુખ લોભ, લાલચ અને ધમકી આપ્યા હોવાના આક્ષેપો લગાવ્યા હતા.