પરિણીતાએ વડોદરાના પોલીસ સ્ટેશનમાં નોંધાવેલી ફરિયાદમાં કહ્યું હતું કે, રોજ જમવા માટે પતિ માત્ર બે જ રોટલી આપતો હતો. તેઓ કહેતા હતા કે, જો તું વધારે જમીશ તો જાડી થઈ જઈશ અને મને તારી સાથે સેક્સ માણવાની મજા આવશે નહીં તેમ કહી ભુખી રાખતા હતાં.
યુવતીએ આક્ષેપ કર્યાં હતાં કે, મને મારા પિતાની સાથે અઠવાડિયામાં માત્ર એક જ વખત વાત કરવા જણાવેલ હતું. તેમજ જો વધુ વાત કરીશ અને જો હું જોઈશ તો તને મારીશ તેવી ધમકી પણ આપતો હતો. પરિણીતાએ ફરિયાદમાં કહ્યું હતું કે, પતિ મારી સાથે પશુ જેવો વ્યવહાર કરી અવાર-નવાર શારીરિક સુખ માણતો હોવાથી કંટાળીને તેના ત્રાસથી છુટવા હું પિયરમાં આવી ગઈ હતી.
આ સમગ્ર ઘટના વડોદરામાં ચર્ચાનો વિષય બની છે. વડોદરા પોલીસ આ સમગ્ર ઘટના અંગે તપાસ કરી રહી છે. ભાયલીમાં રહેતી 25 વર્ષની યુવતી એક હોટલમાં એડમિનિસ્ટ્રેટર તરીકે નોકરી કરે છે. શાદી.કોમની પ્રોફાઈલથી યુવકના માતા-પિતા યુવતીના પરિવારજનોનો સંપર્ક કરવા વડોદરા આવ્યા હતાં.