અમદાવાદઃ વડોદરા મ્યુનિસિપલ કોર્પોરેશનના નવા હોદ્દેદોરોના નામની આજે ભાજપ મુખ્યાલય ખાતે જાહેરાત કરાઈ હતી. આ નિમણૂકોમાં શહેરના તમામ ઝોનને સરખું પ્રતિનિધિત્વ મળ્યું તેનું પૂરતું ધ્યાન રખાયું છે. ભાજપ દ્વારા શહેરના પાંચ સૌથી શક્તિશાળી હોદ્દા પર નિમાયેલા કોર્પોરેટર્સ કોણ છે તેની વિગતો નીચે પ્રમાણે છે.
આ નિમણૂકોમાં વડોદરાના મેયર તરીકે કેયુરભાઈ રોકડીયા, ડેપ્યુટી મેયર તરીકે શ્રીમતી નંદાબેન જોશી, સ્ટેન્ડીંગ ચેરમેન તરીકે ડો. હિતેન્દ્ર પટેલ, મ્યુનિસિપલ કોર્પોરેશનમાં ભાજપ પક્ષના નેતા તરીકે અલ્પેશભાઈ લીંબચીયા અને મ્યુનિયિપલ કોર્પોરેશનમાં ભાજપ પક્ષના દંડક તરીકે ચિરાગભાઈ બારોટની નિમણૂક કરાઈ છે.