યુવક પ્રેમીકા સાથે રંગેહાથ ઝડપાઇ જતાં ઉશ્કેરાઇ ગયો હતો અને પત્ની સાથે મારામારી કરી હતી. જેમાં પત્નીને આંગળી પર ફ્રેક્ચર થઈ ગયું હતું. આ અંગે પરિણીતાએ ગોરવા પોલીસ સ્ટેશનમાં પતિ અને સાસરીવાળા સામે પોલીસ ફરિયાદ નોંધાવી છે. યુવતીએ ફરિયાદમાં જણાવ્યું છે કે, વર્ષ 2013માં તેમના લગ્ન થયા હતા. લગ્ન પછી યુવક કતાર રહેતો હતો. જોકે, લાંબી માથાકૂટ પછી યુવતીને તેણે કતાર બોલાવી હતી. જોકે, વર્ષ 2017માં તેઓ ભારત પરત આવી ગયા હતા.
કતારથી પરત આવ્યા પછી પતિએ LTSના ક્લાસ ચાલુ કર્યા હતા. અહીં તેણે સાથે કામ કરતી યુવતી સાથે અનૈતિક સંબંધો બાંધ્યા હતા. તેમજ તેને પત્ની તરીકે પણ સાથે રાખી હતી. જેનો ભાંડો ફૂટી જતાં તેને માર્યો હતો. એટલું જ નહીં, પરિણીતાની ફરિયાદ છે કે, તેના સાસરીવાળા પણ તેના પર ત્રાસ ગુજારતા હતા. તેમજ પતિના એક સંબંધીએ મરાવી નાંખવાની ધમકી પણ આપી છે.