નવી દિલ્હીઃ શ્રીલંકામાં રવિવારે થયેલા શ્રેણીબદ્ધ 8 બોંબ વિસ્ફોટમાં 3 ભારતીય નાગરિકોના પણ મોત થયા છે. વિદેશ મંત્રી સુષમા સ્વરાજે ટ્વિટ કરીને જાણકારી આપી હતી. બોંબ ધડાકામાં અત્યાર સુધીમાં 207 લોકોના મોત થયા છે, જ્યારે 400થી વધારે લોકો ઘાયલ થયા છે. વિદેશ મંત્રીએ ટ્વિટ કરીને જણાવ્યું કે, કોલંબો સ્થિત ભારતીય હાઇ કમિશને ત્રણ ભારતીયોના મોતની વાત કરી છે. મૃતકોના નામ લક્ષ્મી, નારાયણ ચંદ્રશેખર અને રમેશ છે.


સુષમા સ્વરાજે કોલંબો સ્થિત ભારતીય હાઇ કમિશનના હેલ્પલાઇન નંબર પણ જાહેર કર્યા છે. જેના પર કોલ કરીને ભારતીયો શ્રીલંકા સ્થિત તેમના પરિવારજનો અંગે જાણી શકે છે. આ નંબર 94777903082, 94112422788, 94112422789 છે.