Fire in Kuwait: કુવૈત(Kuwait)માં હાઉસિંગ કામદારોની એક બિલ્ડિંગમાં બુધવારે લાગેલી ભીષણ આગમાં 41 લોકોના મોતની આશંકા છે. કુવૈત(Kuwait)ના દક્ષિણ અહમદી પ્રાંતના મંગાફ વિસ્તારમાં બુધવારે વહેલી સવારે છ માળની ઇમારતના રસોડામાં આગ લાગી હતી. કહેવામાં આવી રહ્યું છે કે બિલ્ડિંગમાં લગભગ 160 લોકો રહેતા હતા જે એક જ કંપનીના કર્મચારી છે. ત્યાં રહેતા ઘણા કામદારો કથિત રીતે ભારતીય હતા. હાલમાં 40 ભારતીયના મોત થયા હોવાની માહિતી સામે આવી છે.
જયશંકરે દુઃખ વ્યક્ત કર્યું
વિદેશ મંત્રી એસ જયશંકરે 40 થી વધુ લોકોના મોત પર ઊંડો શોક વ્યક્ત કર્યો છે. જયશંકરે ટ્વિટર પર કહ્યું, કુવૈત શહેરમાં આગની ઘટનાના સમાચારથી ઊંડો આઘાત લાગ્યો. 40 થી વધુ લોકો મૃત્યુ પામ્યા હોવાના અહેવાલ છે અને 50 થી વધુ હોસ્પિટલમાં દાખલ છે. પીડિતોમાં મોટાભાગના ભારતીય હોવાનું કહેવાય છે.
કુવૈત ખાતેના ભારતીય રાજદૂતે કેમ્પની મુલાકાત લીધી હતી
આ દરમિયાન કુવૈતમાં ભારતીય રાજદૂત જે કેમ્પમાં આગ લાગી ત્યાં ગયા છે. જયશંકરે કહ્યું, અમે વધુ માહિતીની રાહ જોઈ રહ્યા છીએ. દુ:ખદ રીતે જીવ ગુમાવનારા લોકોના પરિવારજનો પ્રત્યે ઊંડી સંવેદના. હું ઘાયલોની ઝડપથી અને સંપૂર્ણ સ્વસ્થતાની કામના કરું છું. તેમણે કહ્યું કે અમારું દૂતાવાસ આ સંબંધમાં તમામ સંબંધિત પક્ષોને સંપૂર્ણ મદદ કરશે.
હેલ્પલાઈન નંબર જાહેર કર્યો
કુવૈતમાં ભારતીય દૂતાવાસે ઇમરજન્સી હેલ્પલાઇન નંબર જારી કર્યો છે: +965-65505246. તમામ સંબંધિત લોકોને અપડેટ માટે આ હેલ્પલાઈન સાથે જોડાવા અપીલ કરવામાં આવી છે. એમ્બેસીએ પણ શક્ય તમામ મદદ પૂરી પાડવા જણાવ્યું છે. કુવૈતની કુલ વસ્તીનો 21 ટકા (1 મિલિયન) અને તેના કર્મચારીઓના 30 ટકા (આશરે 9 લાખ) ભારતીયો છે.