Afghanistan News: અફઘાનિસ્તાનમાં તાલિબાને પુરેપુરી રીતે ઇસ્લામી કાનૂન લાગુ કરવાનો આદેશ આપી દીધો છે. અફઘાનમાં માનવાધિકારોની સ્થિતિ પર વધતી ચિંતાની વચ્ચે, તાલિબાનોના સર્વોચ્ચ નેતા માવલવી હેબતુલ્લા અખુંદજાદાએ જજોને ઇસ્લામી કાનૂનને પુરેપુરી રીતે લાગુ કરવાનો આદેશ આપ્યો છે. આવુ પહેલીવાર છે કે, જ્યારે તાલિબાન નેતાએ ઇસ્લામિક સમૂહની સત્તામા આવ્યા બાદ આખા દેશમાં ઇસ્લામી કાનૂનના તમામ પાસાઓને પુરેપુરી રીતે લાગુ કરવાનો ઔપચારિક આદેશ જાહેર કર્યો છે.
તાલિબાનના પ્રવક્તા જબીહુલ્લા મુજાહિદે બતાવ્યુ કે, હૈબતુલ્લા અખુંદવાલાએ જજોના એક સમૂહ સાથે મુલાકાત કર્યા બાદ આદેશ આપ્યો. જજોની બેઠકમાં એ પણ આદેશ આપવામાં આવ્યો કે ચોરો, અપહરણકર્તાઓ અને દેશદ્રોહીઓના કેસોની તપાસ કરવામાં આવે. તાલિબાનના એક પ્રવક્તાએ કહ્યું કે, ઇસ્લામિક અમીરાતના નેતાના આદેશને આખા દેશમાં લાગુ કરવામાં આવશે. તાલિબાનના પ્રવક્તા યૂસેફ અહેમદીએ ટોલોન્યૂઝને બતાવ્યુ કે, જે લોકો હત્યા, અપહરણ અને ચોરીમાં સામેલ છે, તેમને તેમના માટે દંડિત કરવા જોઇએ.
તાલિબાને ઓગસ્ટ 2021માં અફઘાનિસ્તાન પર કબજો કરી લીધો હતો, અને બુનિયાદી અધિકારોને ગંભીર રીતે પ્રતિબંધિત કરનારી નીતિઓ લાગૂ કરી. આ દરમિયાન મહિલાઓ અને છોકરીઓ પર કેટલાય પ્રકારના પ્રતિબંધો લગાવવામાં આવ્યા. અભ્યાસ કરવા, કામ કરવા, અને એટલે સુધી કે એકલી યાત્રા કરવાનો અધિકાર નથી.
PUBG banned: તાલિબાને અફઘાનિસ્તાનમાં પબજી પર લગાવ્યો પ્રતિબંધ, જાણો શું લગાવ્યો આરોપ
PUBG banned by Taliban: અફઘાનિસ્તાનની તાલિબાન સરકારે જાહેરાત કરી છે કે, તે હિંસાને પ્રોત્સાહન આપવાના આરોપમાં આગામી ત્રણ મહિનાની અંદર PUBG મોબાઇલને પ્રતિબંધ કરવાનો ફેંસલો કર્યો છે. અફઘાનિસ્તાનના દૂરસંચાર મંત્રાલયના સુરક્ષા ક્ષેત્રના અધિકારીઓની સાથે સાથે શરિયા કાનૂન પ્રવર્તન પ્રશાસને બેઠક કરી. આ બેઠકમાં 90 દિવસની અંદર દેશમાં PUBG મોબાઇલ અને ટિકટૉક પર પ્રતિબંધ લગાવવાનો નિર્ણય લીધો છે.
અફઘાન સમાચાર એજન્સી ખામા પ્રેસ અનુસાર, PUBG મોબાઇલ પર પ્રતિબંધને પ્રભાવી થવામાં 90 દિવસ સુધીનો સમય લાગશે. તાલિબાને એક મહિનાના સમયમાં ટિકટૉક પર પ્રતિબંધ લાગુ કરવાનો ફેંસલો કર્યો છે. અફઘાન સરકારે કથિત રીતે દેશના દૂરસંચાર અને ઇન્ટરનેટ સેવા આપનારી કંપનીઓને આના વિશે સૂચિત કરી દીધુ છે.
PUBG મોબાઇલ અને ટિકટૉક બેનનુ એલાન તાલિબાન દ્વારા અફઘાન નાગિરકોની 23 મિલીયનથી વધુ વેબસાઇટોને બેન કર્યા બાદ આવ્યુ છે. વચગાળાની સરકારે આરોપ લગાવ્યો કે વેબસાઇટો અનૈતિક કન્ટેન્ટને બતાવી રહી છે.તાલિબાન પ્રશાસનમાં સંચાર મંત્રી નઝીબુલ્લાહ હક્કાનીએ કહ્યું કે, સરકારે 23.4 મિલીયન વેબસાઇટોને બેન કરી દીધી છે.