વિશ્વના અબજોપતિઓની યાદીમાં મોટો ફેરફાર થયો છે. ટેસ્લાના સીઈઓ એલન મસ્ક ફરી એકવાર વિશ્વના સૌથી અમીર વ્યક્તિ બની ગયા છે. છેલ્લા 24 કલાકમાં મસ્કની સંપત્તિમાં ઉછાળા સાથે કુલ નેટવર્થ વધીને 187 બિલિયન ડોલર થઈ ગઈ છે. અત્યાર સુધી નંબર વન ખુરશી પર બેઠેલા ફ્રેન્ચ અબજોપતિ બર્નાર્ડ અર્નોલ્ટ 185 બિલિયન ડોલરની નેટવર્થ સાથે બીજા નંબરે પહોંચી ગયા છે.
નેટ વર્થ એક જ દિવસમાં આટલી વધી ગઈ
બ્લૂમબર્ગ બિલિયોનેર્સ ઈન્ડેક્સ અનુસાર, 24 કલાકની અંદર મસ્કની સંપત્તિમાં 6.98 બિલિયન ડોલરનો ઉછાળો આવ્યો છે. આ સાથે તેમણે ફરી એકવાર નંબર વનનું સ્થાન કબજે કર્યું. છેલ્લા કેટલાક દિવસોથી મસ્કની પ્રોપર્ટીમાં આવેલી તેજીને જોતા એવી શક્યતાઓ વ્યક્ત કરવામાં આવી રહી હતી કે તે ટૂંક સમયમાં નંબર વન અમીર બની શકે છે.
ડિસેમ્બરમાં બીજા નંબરે સરકી ગયા હતા.
બર્નાર્ડ અર્નોલ્ટ ગયા વર્ષે ડિસેમ્બર 2022માં 2021 થી ટોપ-10 બિલિયોનેર્સમાં નંબર-1 પોઝિશન ધરાવતા મસ્કને પાછળ છોડીને વિશ્વના સૌથી ધનિક વ્યક્તિ બની ગયા છે. વાસ્તવમાં, ગત વર્ષ મસ્ક માટે ઘણું ખરાબ સાબિત થયું. 44 બિલિયન ડોલરની ટ્વિટર ડીલની શરૂઆતથી તેમની નેટવર્થમાં ઘટાડો થવા લાગ્યો અને વર્ષના અંત સુધી ચાલુ રહ્યો હતો.
મસ્કે આ વર્ષે આટલી કમાણી કરી
ગયા વર્ષે જ્યાં મસ્ક સૌથી વધુ સંપત્તિ ગુમાવવાના મામલામાં ટોચ પર હતા, તો આ વર્ષની શરૂઆતથી તેમની કંપનીના શેરમાં વધારાને કારણે નેટવર્થમાં વધારો થયો હતો, જે હજુ પણ ચાલુ છે. આ વર્ષે અત્યાર સુધીમાં મસ્કની સંપત્તિમાં 50.1 બિલિયન ડોલરનો વધારો નોંધવામાં આવ્યો છે. જો કે, પ્રથમ નંબરથી બીજા સ્થાને સરકી ગયેલા બર્નાર્ડ અર્નોલ્ટની સંપત્તિમાં આ વર્ષે અત્યાર સુધીમાં 23.3 અબજ ડોલરનો વધારો થયો છે.
UK Food Crisis: જે દેશનો સૂર્ય ક્યારેય આથમતો ન હતો એ દેશમાં આજે લોકોને ખાવાના પણ ફાંફા છે
UK Fruit & Vegetables Rationing: એક જમાનામાં એક કહેવત હતી કે બ્રિટિશ રાજમાં ક્યારેય સૂરજ આથમતો નથી, અને હવે એવી સ્થિતિ બની છે કે એ જ બ્રિટન અણધારી ખાદ્ય કટોકટીનો સામનો કરી રહ્યું છે. સ્થિતિ એવી બની છે કે યુકેના સુપરમાર્કેટમાં શાકભાજી અને ફળોની અછત છે. જેના કારણે લોકોની ખરીદીની મર્યાદા નક્કી કરવામાં આવી છે.
આવી કટોકટી ઘણા દેશોમાં આવી
ગરીબ દેશો સામાન્ય રીતે ખાણી-પીણીના અભાવની કટોકટીનો સામનો કરે છે. જેમ કે થોડા દિવસો પહેલા શ્રીલંકામાં આવી કટોકટી ઊભી થઈ હતી અને હવે પાડોશી દેશ પાકિસ્તાન તેની સામે ઝઝૂમી રહ્યું છે. સમયાંતરે અન્ય ઘણા દેશો પણ આવી સમસ્યાઓથી પરેશાન થયા છે. ગયા વર્ષે રશિયા-યુક્રેન યુદ્ધ શરૂ થયા બાદ ઘણા દેશો સામે ખાદ્યપદાર્થોની અછતનું સંકટ ઊભું થયું હતું. જો કે બ્રિટન જેવા વિકસિત દેશોમાં આવી સ્થિતિ જોવા મળે તો તેને સામાન્ય કહી શકાય નહીં.
ફળો અને શાકભાજીનો અભાવ