મીડિયા રિપોર્ટ અનુસાર, બ્રિટિશ સરકારે કોરોના વિરુદ્ધ જંગ માટે લોકડાઉન 17 જુલાઈ સુધી લંબાવી દીધું છે. આ દરમિયાન દેશમાં પબ, રેસ્તરા, દુકાનો અને જાહેર સ્થળો બંધ રહશે. વિદેશી યાત્રીઓને 10 દિવસ સુધી હોટલમાં ક્વોરન્ટાઈન રહેવું પડશે. ઉલ્લેખનીય છે કે, કોરોનાનો નવો સ્ટ્રેન ઝડપથી ફેલાઈ રહ્યો છે. એવામાં એવું અનુમાન લગાવવામાં આવી રહ્યું છે કે, તેના કારણે મૃત્યુદર વધી શકે છે.
પ્રધાનમંત્રી બોરિસ જૉનસે કહ્યું કે, સરકાર વધી રહેલા સંક્રમણના કારણે લોકડાઉન પ્રતિબંધોને હળવા કરવા પર વિચાર નહીં કરી શકે. જ્યારે સરકારને એ વિશ્વાસ થઈ જશે કે, રસીકરણ અભિયાનથી કેટલીક પોઝિટિવ અસર થઈ રહી છે. ત્યારે તે છૂટછૂાટ માટે વિચાર કરશે.
સંક્રમણથી બ્રિટનમાં 1 લાખ લોકોના મોત
બ્રિટનમાં કોરોનાથી મૃત્યુઆંક એક લાખની નજીક પહોંચી ગયો છે. અહીં અત્યાર સુધી 36 લાખથી વધુ કેસ સામે આવી ચુક્યા છે. તેમાંથી 97,329 લોકોએ જીવ ગુમાવ્યો છે. છેલ્લે 24 કલાકમાં 33,552 લોકો સંક્રમિત મળી આવ્યા છે અને 1300થી વધુ લોકોના મોત થયા છે. અત્યાર સુધી 5.38 લાખ લોકોને રસી આપવામાં આવી ચુકી છે.