દુનિયાના સૌથી શક્તિશાળી દેશ અમેરિકામાં પણ કોરોનાનો કહેર સૌથી વધુ જોવા મળી રહ્યો છે. છેલ્લા 24 કલાકમાં બે હજારથી વધુ લોકોના મોત થયા છે. જ્યારે પાંચ લાખથી વધુ લોકો સંક્રમિત છે. ન્યૂયોર્કમાં 172,358 લોકો કોરોના વાયરસથી સંક્રમિત છે જેમાંથી 7,844 લોકોના મોત થયા છે.
જ્યારે અમેરિકાના રાષ્ટ્રપતિ ડોનાલ્ડ ટ્રમ્પે શુક્રવારે કહ્યું કે વિશ્વ સ્વાસ્થ્ય સંગઠનમાં અમેરિકાના ફંડિંગને લઈને આગામી સપ્તાહમાં જાહેરાત કરાશે.આ પહેલા હાલમાં જ તેમણે ફંડિંગમાં કાપ મુકવાની વાત કરી હતી. ટ્રમ્પે વ્હાઈટ હાઉસમાં સંવાદદાતા સમ્મેલનમાં કહ્યું, તમે જાણો છો કે અમે તેમને દર વર્ષ આશરે 50 કરોડ અમેરિકી ડોલર આપીએ છીએ. આપણે આ વિષય પર આગામી સપ્તાહે વાત કરશું.
કોરોના વાયરસ મહામારી ફેલાયા બાદ અમેરિકામાં માત્ર ત્રણ સપ્તાહમાં 1.68 કરોડ અમેરિકી નાગરિકોએ નોકરી ગુમાવી છે. જેનાથી નક્કી થાય છે કે આ મહામારીએ વૈશ્વિક અર્થવ્યવસ્થાને કઈ રીતે નુકશાન પહોંચાડ્યું છે.