વર્લ્ડોમીટર પ્રમાણે વિશ્વભરમાં અત્યાર સુધીમાં 4 કરોડ 29 લાખ કોરોનાથી સંક્રમિત થઈ ચુક્યા છે. તેમાંથી 11 લાખ 54 હજારે જીવ ગુમાવ્યો છે. જ્યારે 3 કરોડ 16 લાખ દર્દી ઠીક થઈ ગયા છે. સમગ્ર વિશ્વમાં એક્ટિવ કેસની સંખ્યા વધીને 1 કરોડ થઈ ગઈ છે.
કોરોના મહામારીથી સૌથી વધુ પ્રભાવિત દેશોના લિસ્ટમાં અમેરિકા ટોચ પર છે. અહીં ઝડપથી મામલા વધી રહ્યા છે. અમેરિકામાં છેલ્લા 24 કલાકમાં 79 હજારથી વધારે કેસ આવ્યા છે. USAમાં કોરોના કેસની સંખ્યા 88 લાખને પાર થઈ ગઈ છે, જ્યારે 2.30 લાખથી વધુ લોકોના મોત થયા છે. જે બાદ ભારત બીજા ક્રમે છે. અહીં સંક્રમતોની સંખ્યા 78 લાખને પાર થઈ ગઈ છે અને 1.18 લાખથી વધુ લોકોનો મોત થયા છે.