Same Sex Marriage In India: સુપ્રીમ કોર્ટે મંગળવારે ભારતમાં સમલૈંગિક લગ્નોને કાયદેસર બનાવવા અંગે દાખલ કરાયેલી અરજીઓની સુનાવણી શરૂ કરી. તેની સામે કેન્દ્ર સરકાર દ્વારા દલીલો કરવામાં આવી હતી. આવી સ્થિતિમાં કોર્ટે કહ્યું કે અમે વચ્ચેનો રસ્તો શોધી રહ્યા છીએ. આ કેસની સુનાવણી હજુ ચાલી રહી છે. જ્યાં એક તરફ આપણા દેશમાં સમલૈંગિક લગ્નને લઈને આટલું બધું થઈ રહ્યું છે. તો બીજી તરફ એવા ઘણા દેશો છે જે સમલૈંગિક લગ્નને મંજૂરી આપે છે અને તેને માન્ય માને છે.
આ દરમિયાન જો સમલૈંગિક લગ્નને કાયદેસર રીતે મંજૂરી આપવામાં આવે તો આ નિર્ણયથી ભારત પણ આ દેશોની યાદીમાં આવી જશે. આવી સ્થિતિમાં અમે તમને તે દેશોના નામ જણાવવા જઈ રહ્યા છીએ. જ્યાં સમલૈંગિક લગ્નની છૂટ છે.
આ દેશોમાં સમલૈંગિક લગ્ન માન્ય છે
ક્યુબા
એન્ડોરા
સ્લોવેનિયા
ચિલી
સ્વિટ્ઝર્લૅન્ડ
કોસ્ટા રિકા
ઑસ્ટ્રિયા
તાઈવાન
એક્વાડોર
બેલ્જિયમ
બ્રિટન
ડેનમાર્ક
ફિનલેન્ડ
ફ્રાન્સ
જર્મની
આઇસલેન્ડ
આયર્લેન્ડ
લક્ઝમબર્ગ
માલ્ટા
નોર્વે
પોર્ટુગલ
સ્પેન
સ્વીડન
મેક્સિકો
દક્ષિણ આફ્રિકા
યુનાઈટેડ સ્ટેટ્સ ઑફ અમેરિકા
કોલંબિયા
બ્રાઝિલ
આર્જેન્ટિના
કેનેડા
ન્યૂઝીલેન્ડ
નેધરલેન્ડ
પોર્ટુગલ
ઉરુગ્વે
ક્યાંક કોર્ટના નિર્ણય પછી તો ક્યાંક કાયદો બનાવીને માન્યતા મળી
2001માં સમલૈંગિક લગ્નને કાયદેસર બનાવનાર નેધરલેન્ડ સૌપ્રથમ હતું. જ્યારે તાઇવાન એશિયાના દેશોમાં તેને સ્વીકારનાર પ્રથમ દેશ હતો. આ 34 દેશોમાંથી 23 દેશોએ કાયદો બનાવીને સમલૈંગિક યુગલોને લગ્ન કરવાનો અધિકાર આપ્યો છે. કોર્ટના નિર્ણયથી 10 દેશોમાં સમલૈંગિક લગ્નને માન્યતા આપવામાં આવી હતી. કોર્ટના નિર્ણયને પગલે દક્ષિણ આફ્રિકા અને તાઈવાનમાં પણ કાયદો બનાવવામાં આવ્યો હતો.
કેટલા દેશોમાં સમલૈંગિકતા ગેરકાનૂની છે?
લગભગ પાંચ દેશોમાં સજાતીય સંબંધો માટે મૃત્યુદંડ આપી શકાય છે. જેમાં પાકિસ્તાન, અફઘાનિસ્તાન, સંયુક્ત આરબ અમીરાત, કતાર અને મોરિટાનિયા જેવા દેશોનો સમાવેશ થાય છે. શરિયા અદાલતો હેઠળ ઈરાન, સોમાલિયા અને ઉત્તર નાઈજીરિયાના કેટલાક વિસ્તારોમાં પણ આ જ લાગુ પડે છે. જ્યારે, 71 દેશોમાં સમલૈંગિક સંબંધો અથવા અકુદરતી સંબંધો વિવિધ પ્રકારના અપરાધની કેટેગરીમાં આવે છે.