આ હુમલાએ કાબુલમા સુરક્ષાની ખામીઓને ઉજાગર કરી છે. આ ખૂબ ચિંતાની વાત છે કારણ કે 29 ફેબ્રુઆરીના રોજ અમેરિકા અને તાલિબાન વચ્ચે થયેલી ડીલ અનુસાર 14 મહિનાની અંદર વિદેશી દળો દેશ છોડી દેશે. ગૃહ મંત્રાલયના પ્રવક્તા નસરત રહીમીએ કહ્યું કે, મૃતકોમાં મહિલાઓ અને બાળકો સામેલ છે અને તે સિવાય 29 અન્ય લોકો ઇજાગ્રસ્ત થયા છે. અફઘાન દળોએ હુમલાખોરો વિરુદ્ધ અભિયાન ચલાવ્યું છે. તાલિબાને હુમલાની જવાબદારી લેવાનો ઇનકાર કર્યો છે.
હુમલો હાજરા જાતિય સમુદાયથી આવનારા રાજનેતા અબ્દુલ અલી માજારીની સ્મૃતિમાં આયોજીત એક સમારોહ પર કરવામાં આવ્યો છે. આ સમુદાયના મોટાભાગના લોકો શિયા છે. ઇસ્લામિક સ્ટેટના એક જૂથે છેલ્લા વર્ષે આ સમારોહમાં હુમલાનો દાવો કર્યો હતો અને ત્યારે મોર્ટાર હુમલામાં ઓછામાં ઓછા 11 લોકોના મોત થયા હતા.