પાકિસ્તાનઃ 8 વર્ષના બાળકે રોડ પર સડસડાટ દોડાવી ફૉર્ચ્યૂનર કાર, 10 વર્ષની બહેનને લઇને નીકળ્યો ફરવા, વીડિયો વાયરલ

ઇન્ટરનેટ પર વાયરલ થયેલા વીડિયોમાં જે આઠ વર્ષનો બાળક ફૉર્ચ્યૂનર કાર લઇને નીકળ્યો છે, તેનુ નામ અયાન બતાવવામાં આવી રહ્યું છે

ઇસ્લામાબાદઃ ભારતના પાડોશી દેશમાં ટ્રાફિકના નિયમોના ધજાગરા ઉડાડે એવો એક વીડિયો સામે આવ્યો છે. ઇન્ટરનેટ પર વાયરલ થઇ રહેલા વીડિયોમાં સ્પષ્ટ રીતે જોઇ શકાય છે કે એક આઠ વર્ષનુ બાળક ટૉયોટાની નવીનકોર ફૉર્ચ્યૂનર કારને રૉડ પર સડસડાટ દોડાવી રહ્યો છે. આ વીડિયો હાલમાં ટૉપ ટ્રેન્ડમાં છે. એકબાજુ આ વીડિયોને જોઇને પ્રસંશા કરી રહ્યાં છે, તો બીજીબાજો લોકો પાકિસ્તાનમાં ટ્રાફિકના નિયમો વિશે ચર્ચા કરવા લાગ્યા છે. 

ઇન્ટરનેટ પર વાયરલ થયેલા વીડિયોમાં જે આઠ વર્ષનો બાળક ફૉર્ચ્યૂનર કાર લઇને નીકળ્યો છે, તેનુ નામ અયાન બતાવવામાં આવી રહ્યું છે, અયાનની સાથે ટોયોટા ફૉર્ચ્યૂનર SUVમાં તેની બહેન બેસેલી છે, જેની ઉંમર 10 વર્ષની બતાવવામા આવી રહી છે. આ વીડિયોને લાખોમાં લાઇક્સ અને વ્યૂઝ મળી રહ્યાં છે. કાર ચલાવનારા 8 વર્ષના બાળકની 'અયાન ઔર અરીબા શો' નામથી એક યુટ્યૂબ ચેનલ છે, જેની પર આ વીડિયો ત્રણ અઠવાડિયા અગાઉ અપલોડ કરાયો છે. 

યુટ્યૂબ પર આ વીડિયોને કેપ્શન આપવામા આવ્યુ છે - 'આજે અમે તમને દેખાડીશું કે કેવી રીતે એક 8 વર્ષનું બાળક ટોયોટા ફૉર્ચ્યૂનર ચલાવી શકે છે. જેમણે પણ અયાનને ગાડી ચલાવતો જોયો તેમને ભારે આશ્ચર્ય થયું.

આ પણ વાંચો........