Israel Attack On Fateh Sherif: ઇઝરાયેલ હમાસ અને હિઝબુલ્લા વચ્ચે ભીષણ જંગ ચાલી રહ્યો છે. હાલમાં લેબનાનમાં ઈઝરાયેલના હવાઈ હુમલા ચાલુ છે. આ હુમલાઓમાં ઈઝરાયેલે હમાસની લેબનાન શાખાના કમાન્ડર ફતેહ શરીફને મારી નાખ્યો છે. ઈઝરાયેલની વાયુસેનાએ આ જાણકારી આપી છે. ઇઝરાયેલી સંરક્ષણ દળો (IDF) એ સોમવારે (30 સપ્ટેમ્બર) જણાવ્યું હતું કે તેણે હમાસની લેબનાન શાખાના ચીફ ફતાહ શરીફનો ખાત્મો બોલાવી દીધો છે.
IDF એ સોશિયલ મીડિયા પ્લેટફોર્મ X (અગાઉ ટ્વિટર) પર એક પોસ્ટમાં જણાવ્યું હતું કે હુમલો વહેલી સવારે ચોકસાઇ સાથે કરવામાં આવ્યો હતો. શરીફ આજે દક્ષિણ લેબનીઝ શહેર ટાયરમાં અલ-બાસ શરણાર્થી શિબિર પર હવાઈ હુમલામાં તેની પત્ની અને બાળકો સાથે માર્યો ગયો હતો. લેબનાનમાં આતંકવાદી પ્રવૃતિઓના સંકલન પર દેખરેખ રાખતા શરીફ માત્ર હમાસમાં ચીફ જ ન હતા, પરંતુ તેમણે હમાસને હિઝબુલ્લાહના ઓપરેટિવ્સ સાથે જોડવામાં પણ ભૂમિકા ભજવી હતી.
'ખતરો પેદા કરશે આ ખાત્મો'
ઈઝરાયલના જણાવ્યા અનુસાર, શેરિફની પ્રવૃત્તિઓ ભરતી પ્રક્રિયાથી લઈને હથિયારોના સંપાદન સુધીની હતી. શરીફે UNRWA (યૂનાઈટેડ નેશન્સ રિલીફ એન્ડ વર્ક્સ એજન્સી) ના સભ્ય તરીકે બેવડી ભૂમિકા ભજવી હતી, જ્યાં તેણે લેબનાનમાં UNRWA શિક્ષક સંઘના વડા તરીકે પણ સેવા આપી હતી, IDFએ અહેવાલ આપ્યો હતો. IDF અને ISA ઇઝરાયલી નાગરિકો માટે જોખમ ઉભું કરનારા કોઈપણ વ્યક્તિ સામે કાર્યવાહી કરવાનું ચાલુ રાખશે.
આ પણ વાંચો
ઇઝરાયેલનું ગુપ્ત એકમ 8200 શું છે, જેના પર પેઝર બોમ્બથી વિસ્ફોટ કરવાનો આરોપ હતો?