નવી દિલ્હીઃ હૉટ મૉડલ એલિઝાબેથ હૉડ ફરી એકવાર ચર્ચામાં આવી છે. આ વખતે મૉડલ પોતાના પાલતુ કુતરા સાથે લગ્ન કરવાને લઇને ચર્ચામાં આવી છે. રિપોર્ટ છે કે, 49 વર્ષીય આ હૉટ મૉડલને કોઇ જીવનસાથી ન હતો મળતો તો તેને પોતાના પાલતુ ડૉગી સાથે લગ્ન કરી લીધા હતા. ઇંગ્લેન્ડની ભૂતપૂર્વ પેજ 3 મોડલ એવી એલિઝાબેથે તેના પાલતુ લેબ્રાડોર ડોગ લોગન સાથે એક ચેનલના લાઈવ શોમાં જ લગ્ન કર્યાં હતાં. પોતાનો મનનો માણીગર શોધવા માટે અલગ અલગ ડેટિંગ એપના માધ્યમથી આ મોડલે 8 વર્ષમાં અંદાજે 221 લોકો સાથે ડેટ કર્યું હતું. અંતે મર્દોનું શું કામ છે; જેવું વાક્ય ઉચ્ચારીને તે તેના પેટ ડોગ સાથે જ પરણવાનું નક્કી પણ કરી લીધું.
એક ચેનલના મોર્નીગ શોમાં જ એલિઝાબેથે તેના લોગન નામના આ શ્વાન સાથે લગ્ન કરતાં જ ફરી તે ચર્ચાઓમાં આવી ગઈ છે. તમે માનો કે ના માનો પણ આ સત્ય છે. ચેનલની મદદથી સ્ટૂ઼ડિયોમાં જ આ લગ્નની વ્યવસ્થા કરવામાં આવી હતી જેમાં એલિઝાબેથના અંગત મિત્રો પણ હાજર રહ્યા હતા. આ લગ્ન પણ પ્રોપર વિધી સાથે કરવામાં આવ્યા હતા તેમજ એ દરેક રીતરિવાજનું પણ પાલન કરવામાં આવ્યું હતું જે મહિલા-પુરૂષના લગ્નમાં કરવામાં આવે છે.