Viral Video: સોશિયલ મીડિયા પર દરરોજ કંઇક ને કંઇક વાયરલ થાય છે. આવા વાયરલ વીડિયો જોયા પછી ઘણી વાર હાસવું આવે છે તો ક્યારેક આશ્ચર્ય પણ થાય છે. આ દિવસોમાં એક એવો જ અજીબોગરીબ વીડિયો વાઈરલ થઈ રહ્યો છે, જેને જોઈને તમને હસવું આવશે અને તમે હેરાન પણ થઈ જશો અને વિચારશો કે ખરેખર દુનિયામાં આવા લોકો પણ છે.
સોશિયલ મીડિયા પર વાયરલ થયેલો આ વીડિયો અમેરિકાના ન્યૂયોર્કનો હોવાનું કહેવાય છે. આ વીડિયોમાં તમે એક માણસને જોશો, જેણે પોતાનો શર્ટ ઉતારીને મેટ્રોની અંદર જ બાથટબ મૂક્યું છે. વાયરલ વીડિયોમાં તમે આ વ્યક્તિને મેટ્રોની અંદર બાથટબમાં નહાતા જોઈ શકો છો.
આ વ્યક્તિને આમ બાથટબમાં નહાતો જોઈને મેટ્રોમાં હાજર દરેક લોકો ચોંકી જાય છે. વીડિયોમાં તમે જોશો કે કેટલાક મુસાફરો આ વ્યક્તિને નહાવાથી રોકે છે. આ પછી બોલાચાલી શરૂ થાય છે અને મામલો મારામારી સુધી પહોંચે છે. ઝઘડો શરૂ થતાંની સાથે જ મેટ્રોની અંદર કેટલાક લોકો વચ્ચે આવીને બધાને શાંત પાડ્યા.
શું આ બધું સ્ક્રિપ્ટેડ હતું?
આ વીડિયો જોયા બાદ ઘણા લોકો તેને સ્ક્રિપ્ટેડ કહી રહ્યા છે. અમે પુષ્ટિ કરી શકતા નથી કે તે સ્ક્રિપ્ટેડ હતું કે ખરેખર થયું હતું. જો કે, થોડા દિવસો પહેલા આ વ્યક્તિનો એક વીડિયો પણ વાયરલ થયો હતો. તે વીડિયોમાં આ વ્યક્તિ રસ્તા પર પડેલો જોવા મળે છે, ત્યારબાદ એક મહિલા તેને ખાવાનું આપે છે અને બાદમાં તેને ઘરે લઈ જાય છે. આ જ કારણ છે કે લોકો એવું કહી રહ્યા છે કે આ વ્યક્તિ જાણી જોઈને આવા ડ્રામા કરે છે.
વીડિયોને 4.9 મિલિયન વ્યૂઝ મળ્યાઃ
આ વીડિયો સોશિયલ મીડિયા પ્લેટફોર્મ ટ્વિટર પર ENTERTAINMENT NETWORK નામના એકાઉન્ટથી શેર કરવામાં આવ્યો છે. 25 ઓગસ્ટના રોજ શેર કરવામાં આવેલ આ વીડિયોને અત્યાર સુધીમાં 4.9 મિલિયનથી વધુ વખત જોવામાં આવ્યો છે. 1.40 લાખથી વધુ ટ્વિટર યુઝર્સે પણ આ વીડિયોને લાઈક કર્યો છે.