Measles in Zimbabwe: ઝિમ્બાબ્વેમાં ઓરીનો રોગ તબાહી મચાવી રહ્યો છે. એપ્રિલથી અત્યાર સુધીમાં અહીં 700 બાળકો ઓરીના કારણે મૃત્યુ પામ્યા છે. આ જાણકારી દેશના સ્વાસ્થ્ય મંત્રાલયે આપી છે. આ સાથે જ કેટલાક લોકો બાળકો માટે જોખમી સાબિત થઈ રહેલા ઓરીના નિવારણ માટે રસીકરણને ફરજિયાત બનાવવા માટે કાયદો બનાવવાની માંગ કરી રહ્યા છે.
ઝિમ્બાબ્વેમાં, 1 સપ્ટેમ્બરના રોજ એક જ દિવસમાં ઓરીથી 37 મૃત્યુ થયા હતા અને 4 સપ્ટેમ્બર સુધીમાં 6,291 કેસ નોંધાયા હતા. તાજેતરના આંકડા લગભગ બે અઠવાડિયા પહેલા જાહેર કરાયેલા મૃત્યુની સંખ્યા કરતાં ચાર ગણા કરતાં વધુ છે. તે સમયે, મંત્રાલયે જણાવ્યું હતું કે 157 બાળકો, જેમાંથી મોટા ભાગનાને તેમના પરિવારની ધાર્મિક માન્યતાઓને કારણે રસી આપવામાં આવી ન હતી, આ રોગથી મૃત્યુ પામ્યા હતા.
સરકારે રસીકરણ અભિયાનને આગળ વધારવું જોઈએ
તે જ સમયે, ઝિમ્બાબ્વેના એસોસિયેશન ઑફ મેડિકલ એન્ડ ડેન્ટલ પ્રાઇવેટ પ્રેક્ટિશનર્સના પ્રમુખ ડૉ. જોહાન્સ મેરિસા કહે છે કે સરકારે મોટા પાયે ચાલી રહેલી રસીકરણ અભિયાનને આગળ વધારવું જોઈએ અને ખાસ કરીને રસીકરણ વિરોધી ધાર્મિક જૂથોને લક્ષ્યમાં રાખીને જાગૃતિ કાર્યક્રમો પણ શરૂ કરવા જોઈએ. મારિસાએ એમ પણ કહ્યું હતું કે, "કોઈ તેમના બાળકોને રસી આપવાનો ઇન્કાર ન કરે તે સુનિશ્ચિત કરવા માટે સરકાર દંડાત્મક પગલાં પણ દાખલ કરવા માંગે છે."
તેમણે સરકારને ઓરી જેવા જીવલેણ રોગો સામે રસીકરણ ફરજિયાત બનાવવાના કાયદા પર વિચાર કરવા પણ અપીલ કરી છે.
યુનિસેફે ઝિમ્બાબ્વેમાં ઓરીથી થતા મૃત્યુ અંગે ચિંતા વ્યક્ત કરી છે
તમને જણાવી દઈએ કે યુનિસેફે પણ સોમવારે કહ્યું હતું કે તે ઝિમ્બાબ્વેમાં ઓરીના કારણે બાળકોના મોતને લઈને ખૂબ જ ચિંતિત છે. યુનિસેફે કહ્યું હતું કે તે રસીકરણ કાર્યક્રમો દ્વારા આ રોગના પ્રકોપ સામે લડવામાં સરકારને મદદ કરી રહ્યું છે.
ઉલ્લેખનીય છે કે બે સપ્તાહ અગાઉ ઝિમ્બાબ્વેના આરોગ્ય મંત્રાલયે જણાવ્યું હતું કે ઓરીના કારણે ૧૫૭ બાળકોનાં મોત થયા છે. આમ માત્ર બે જ સપ્તાહમાં મૃત્યુ પામેલા બાળકોની સંખ્યા ચાર ગણી વધી ગઇ છે.
મોટા ભાગના પરિવારો પોતાની ધાર્મિક માન્યતાને કારણે પોતાના બાળકોને વેક્સિન અપાવતા નથી. સરકારે ૬ મહિનાથી ૧૫ વર્ષની ઉંમરના બાળકો માટે વ્યાપક રસીકરણ અભિયાન શરૃ કર્યુ છે. આમ છતાં આ રસીકરણ અભિયાનને યોગ્ય પ્રતિસાદ મળી રહ્યો નથી.