Pakistani Media On Atique Ahmed Murder: ગેંગસ્ટર અતીક અહેમદ અને તેના ભાઈ અશરફની હત્યા બાદ રાજકારણ ગરમાયું છે. આ હત્યાકાંડ પછી જ્યાં વિપક્ષો યુપી સરકાર પર પ્રહારો કરી રહ્યા છે ત્યાં વિદેશી મીડિયામાં પણ આ મામલો ચર્ચામાં છે. આ અંગે પાકિસ્તાની મીડિયાએ પણ પોતાની પ્રતિક્રિયા આપી છે. પાકિસ્તાની અખબાર ડૉન, એક્સપ્રેસ ટ્રિબ્યુન અને બીબીસી જેવા વિદેશી મીડિયાએ અતીકની હત્યા અંગે સમાચાર પ્રકાશિત કર્યા છે. ડોને તેની હેડલાઇનમાં પૂર્વ સાંસદ અને લાઇવ ટીવી પર હત્યાનો ઉલ્લેખ કર્યો હતો. બીજી તરફ પાકિસ્તાની ન્યૂઝ આઉટલેટ ધ એક્સપ્રેસ ટ્રિબ્યુને એક ડગલું આગળ વધીને અતીકની હત્યાને મુસ્લિમની હત્યા ગણાવવાનો પ્રયાસ કર્યો છે.
જ્યાં બીબીસીએ પોતાના સમાચારમાં અતિકને માફિયા ગણાવ્યો છે, તો બીજી તરફ રોયટર્સે તેના સમાચારમાં તેને ભૂતપૂર્વ સાંસદ તરીકે સંબોધ્યો છે. અલ જઝીરાએ પોતાના રિપોર્ટમાં લખ્યું છે કે, 'આરોપીઓ પત્રકાર બનીને આવ્યા હતા. હત્યા બાદ જય શ્રી રામનો નારા લગાવવામાં આવ્યો હતો, જે મુસ્લિમો સામેના તેમના અભિયાનમાં હિંદુ રાષ્ટ્રવાદીઓનું યુદ્ધઘોષ બની ગયું છે. બંને ભારતના લઘુમતી સમુદાયના હતા.
તમને જણાવી દઈએ કે અતીક અને અશરફ અહેમદને રવિવારે (16 એપ્રિલ) રાત્રે સુપુર્દ- એ- ખાક કરવામાં આવ્યા હતા. પોસ્ટમોર્ટમ બાદ બંને ભાઈઓના મૃતદેહ સ્વજનોને સોંપવામાં આવ્યા હતા. રિપોર્ટ અનુસાર અતીક અહેમદને આઠ અને અશરફને પાંચ ગોળી વાગી છે. બંનેના મૃતદેહને કબ્રસ્તાનમાં લાવવામાં આવ્યા અને થોડા લોકોની હાજરીમાં દફનાવવામાં આવ્યા હતા.
15 એપ્રિલના રોજ અતીક અહેમદ અને ભાઈ અશરફ અહેમદને મેડિકલ તપાસ માટે લઈ જવામાં આવી રહ્યા હતા તે દરમિયાન ગોળી મારી દેવામાં આવી હતી. જે બાદ પોલીસે ત્રણેય હુમલાખોરોની ધરપકડ કરી હતી. જેમને 14 દિવસની ન્યાયિક કસ્ટડીમાં પ્રયાગરાજની નૈની જેલમાં મોકલી દેવામાં આવ્યા છે. આ બાબતે તપાસ ચાલુ છે.
કયા કબ્રસ્તાનમાં દફનાવવામાં આવ્યા હતા?
અતીક અહેમદ અને અશરફ અહેમદને પ્રયાગરાજના કસારી-મસારી કબ્રસ્તાનમાં દફનાવવામાં આવ્યા હતા. બંને મૃતદેહોને કડક સુરક્ષા વચ્ચે કબ્રસ્તાનમાં લાવવામાં આવ્યા હતા. સાંજે લગભગ છ વાગ્યે બંને મૃતદેહોને કબ્રસ્તાનમાં લાવવામાં આવ્યા હતા. આ દરમિયાન માત્ર નજીકના સંબંધીઓ જ હાજર હતા જેમાં કેટલીક મહિલાઓ પણ હાજર હતી. બંને ભાઈઓના સંબંધીઓની હાજરીમાં દફનવિધિ કરવામાંઆવી હતી. જો કે, સંબંધીઓ સિવાય, દફનવિધિમાં ભાગ લેવા આવેલા અન્ય લોકોને તેમના આધાર કાર્ડ જોયા પછી જ કબ્રસ્તાનમાં પ્રવેશવાની મંજૂરી આપવામાં આવી હતી.