વડાપ્રધાન મોદીએ બ્રિક્સ બેઠક બાદ ચીની રાષ્ટ્રપતિ સાથે દ્ધિપક્ષીય વાતચીત કરી હતી. વિદેશ મંત્રાલયના કહેવા પ્રમાણે, બંન્ને નેતાઓએ બોર્ડરની સ્થિતિ પર વિસ્તૃત ચર્ચા કરી અને નક્કી કર્યું હતું કે બંન્ને દેશોની સેના સરહદ પર શાંતિ જાળવી રાખવાનો પ્રયાસ કરશે. તે સિવાય મોદીએ નિકાસનો મુદ્દો ઉઠાવ્યો હતો. ભારત ચીન પાસેથી વ્યાપક પ્રમાણમાં આયાત કરે છે પરંતુ નિકાસની માત્રા ઓછી છે. મોદી સરકાર આ અંતરને ઓછું કરવા માંગે છે. આવનારા દિવસોમાં આ મુદ્દે વાત કરવા ભારતનું પ્રતિનિધિમંડળ ચીન જશે.
આ વર્ષે એપ્રિલમાં વડાપ્રધાન નરેન્દ્ર મોદી એક ઇન્ફોર્મલ સમિટમાં ભાગ લેવા ચીન ગયા હતા. ચીનના વુઆનમાં બંન્ને દેશોના સર્વોચ્ચ નેતાઓએ અનેક મુદ્દે વાતચીત કરી હતી.