સૌથી પહેલા સેટેલાઈટ બાદ સૌથી પ્રથમ વેક્સીન
કોરોના વાયરસ સંક્રમણનો સામનો કરી રહેલ સમગ્ર દુનિયા ઘણાં મહિનાથી આ રસીની રાહ જોઈ રહ્યા છે. ત્યારે રશિયાએ પ્રથમ રસી બનાવવાનો દાવો કરીને બધાને હેરાન કરી મૂક્યા છે. રશિયાની આ રસી પર સતત શંકા પણ વ્યક્ત કરવામાં આવી રહી છે.
જ્યારે આ બધાથી અલગ પ્રથમ રસીનો દરજ્જો મેળવવાની ઉપલબ્ધિને ધ્યાનમાં રાખતા રશિયાએ તેને સ્પુતનિક V નામ આપ્યું છે. આ નામ રશિયાના ઉપગ્રહઓ પર આધારિત છે. અંતરક્ષિમ વિજ્ઞાન ક્ષેત્રમાં પ્રથમ કૃત્રિમ ઉપગ્રહ લોન્ચ કરવાનો શ્રેય પણ રશિયાને જ જાય છે. 4 ઓક્ટોબર 1957ના રોજ રશિયાએ વિશ્વનું પ્રથમ સેટેલાઈટ અંતરિક્ષમાં સ્થાપિત કર્યું હતું.
આ રસી પર ઉઠાવવામાં આવતા સવાલને લઈને રશિયાએ ટીકા કરી છે. રશિયાના વેક્સીન પ્રોજેક્ટને ફાઈનાન્સ કરનાર રશિયન ડાયરેક્ટ ઇન્વેસ્ટમેન્ટ ફંડના પ્રમુખ કિરિલ દિમિત્રિએવે રશિયન વેક્સીના દાવાને ફગાવી દેવાના જે પ્રયત્નો થઈ રહ્યા છે તેને મીડિયા અટેક ગણાવ્યા છે.
દિમિત્રિયેવે સાથે જ દાવો કર્યો છે કે અત્યાર સુધી રશિયાને 20 દેશો તરફથી આ રસીના લગભગ એક અબજ ડોઝના ઓર્ડર મળી ચૂક્યા છે. તેમણે સાથે જ કહ્યું કે, રશિયા 5 અલગ અલગ દેશોમાં દર વર્ષે 50 કરોડ ડોઝ બનાવવા માટે તૈયાર છે.