Sri Lanka Crisis Protest Live: રાજકીય સંકટ વચ્ચે મોટા સમાચાર, PM રાનિલ વિક્રમસિંઘે રાજીનામું આપ્યું
શ્રીલંકામાં આર્થિક સંકટ ઘેરુ બની રહ્યું છે. દરમિયાન મોંઘવારીથી પરેશાન લોકોએ આજે જોરશોરથી દેખાવો કર્યા હતા. પ્રદર્શનકારીઓએ રાષ્ટ્રપતિ ભવનની અંદર પણ ઘૂસી ગયા હતા.
આર્થિક સંકટનો સામનો કરી રહેલા શ્રીલંકામાં સર્વપક્ષીય સરકારની રચનાનો રસ્તો સાફ થઈ ગયો છે. જનઆક્રોશ અને દેશની સ્થિતિને જોતા છેલ્લા કેટલાક સમયથી રાજકીય પરિવર્તનની વાતો કરવામાં આવી રહી હતી અને રાષ્ટ્રપતિ ગોટાબાયા પર રાજીનામું આપવાનું સતત દબાણ હતું. આ દરમિયાન વડાપ્રધાન રાનિલ વિક્રમસિંઘેએ તેમના પદ પરથી રાજીનામું આપી દીધું છે.
શ્રીલંકાના પીએમ રાનિલ વિક્રમસિંઘેએ રાજીનામું આપી દીધું છે. તેમણે ટ્વીટ કર્યું, "તમામ નાગરિકોની સલામતી સહિત સરકારની સાતત્યતા સુનિશ્ચિત કરવા માટે, સર્વપક્ષીય સરકાર બનાવવા માટે પક્ષના નેતાઓની શ્રેષ્ઠ ભલામણને આજે હું સ્વીકારું છું. આને સરળ બનાવવા માટે, હું વડાપ્રધાન પદેથી રાજીનામું આપીશ. "
SLPPના જનરલ સેક્રેટરી સાગર કરિયાવસમે વિમુક્તિ પેરામુનાને નેતા તરીકે નિયુક્ત કરવાનું સૂચન કર્યું છે. સૂત્રોનું કહેવું છે કે આજે સાંજે પક્ષના નેતાઓની બેઠક દરમિયાન અનુરા કુમારાદિસનાયકેને દેશના આગામી રાષ્ટ્રપતિ તરીકે પસંદ કરવામાં આવ્યા છે.
પીએમઓએ કહ્યું કે વડા પ્રધાન રાનિલ વિક્રમસિંઘે પાર્ટીના નેતાઓને કહ્યું છે કે તેઓ દેશના વડા પ્રધાન પદ પરથી રાજીનામું આપવા અને સર્વપક્ષીય સરકાર બનાવવા માટે તૈયાર છે.
વડા પ્રધાન રાનિલ વિક્રમસિંઘેએ પક્ષના નેતાઓને કહ્યું છે કે તેઓ વડા પ્રધાન પદેથી રાજીનામું આપવા અને સર્વપક્ષીય સરકાર બનાવવા માટે તૈયાર છે. તેમણે કહ્યું કે તેઓ નાગરિકોની સુરક્ષા સુનિશ્ચિત કરવા માટે વિરોધ પક્ષના નેતાઓની આ ભલામણ સાથે સહમત છે.
સૂત્રોના જણાવ્યા અનુસાર પાર્ટીના નેતાઓએ રાષ્ટ્રપતિ અને વડાપ્રધાન પાસેથી રાજીનામું માંગ્યું છે. સાંસદ રઉફ હકીમે એક ટ્વિટર પોસ્ટમાં કહ્યું કે એવી પણ સંભાવના છે કે સ્પીકર બંધારણ મુજબ કામચલાઉ રાષ્ટ્રપતિ તરીકે કાર્યભાર સંભાળી શકે છે. તેમણે ટ્વીટ કર્યું, "સ્પીકરના નિવાસસ્થાને તાત્કાલિક પક્ષના નેતાની બેઠક યોજાઈ રહી છે. વડા પ્રધાન, અનુરા કુમારા દિસનાયકે અને એમએ સુમંથિરન સહિત અન્ય ઘણા નેતાઓએ વીસી દ્વારા ભાગ લીધો હતો." ,
સૂત્રોના જણાવ્યા અનુસાર, સ્પીકરની બેઠકમાં નિર્ણય લેવામાં આવ્યો હતો કે રાષ્ટ્રપતિ ગોટાબાયા રાજપક્ષેએ તાત્કાલિક રાજીનામું આપી દેવું જોઈએ. દેશમાં જોરદાર વિરોધ પ્રદર્શનો થયા બાદ, વધુ નિર્ણયો પર ચર્ચા કરવા માટે રાષ્ટ્રપતિની અધ્યક્ષતામાં પાર્ટી નેતાઓની બેઠક યોજાઈ રહી છે. અગાઉ રાષ્ટ્રપતિ રાજપક્ષેએ વડા પ્રધાન રાનિલ વિક્રમસિંઘેને જાણ કરી હતી કે તેઓ પક્ષના નેતાઓની બેઠકમાં લેવાયેલા કોઈપણ નિર્ણયનું સન્માન કરશે. સૂત્રોના જણાવ્યા અનુસાર પીએમ રાનિલ વિક્રમસિંઘે પણ રાજીનામું આપશે.
બ્રેકગ્રાઉન્ડ
Sri Lanka Crisis Protest Live: શ્રીલંકામાં આર્થિક સંકટ ઘેરુ બની રહ્યું છે. દરમિયાન મોંઘવારીથી પરેશાન લોકોએ આજે જોરશોરથી દેખાવો કર્યા હતા. પ્રદર્શનકારીઓએ રાષ્ટ્રપતિ ભવનની અંદર પણ ઘૂસી ગયા હતા. પ્રાપ્ત માહિતી અનુસાર રાષ્ટ્રપતિ ગોટાબાયા રાજપક્ષે નિવાસસ્થાન છોડી ચુક્યા છે. એવું કહેવામાં આવી રહ્યું છે કે પ્રદર્શનકારીઓએ રાષ્ટ્રપતિ ભવન પર કબજો કરી લીધો છે. આર્થિક સંકટ સામે ઝઝૂમી રહેલા હજારો પ્રદર્શનકારીઓ આજે પોલીસ બેરીકેડ્સ તોડીને કોલંબોમાં રાષ્ટ્રપતિના સત્તાવાર નિવાસસ્થાનમાં પ્રવેશ્યા હતા.
રાષ્ટ્રપતિ રાજપક્ષેના રાજીનામાની માંગણી કરતા કેટલાક લશ્કરી કર્મચારીઓ પણ નાગરિકો સાથે જોડાયા છે. મીડિયા રિપોર્ટ્સ અનુસાર, શનિવારે સવારે પ્રદર્શનકારીઓને રાષ્ટ્રપતિ આવાસમાં ઘૂસતા રોકવા માટે પોલીસે ટીયર ગેસનો ઉપયોગ કર્યો હતો અને વોટર કેનન અને ફાયરિંગ પણ કર્યું હતું. જોકે, વિરોધીઓ બેરિકેડ તોડીને રાષ્ટ્રપતિ આવાસમાં પ્રવેશ્યા હતા. કોલંબોમાં વિરોધ પ્રદર્શન શરૂ થાય તે પહેલા જ રાષ્ટ્રપતિ ગોટાબાયાએ પરીસર ખાલી કરી દીધુ હતુ.
શ્રીલંકા પોદુજાના પેરામુના (SLPP) ના 16 સાંસદોએ રાષ્ટ્રપતિને તાત્કાલિક રાજીનામું આપવા વિનંતી કરી છે. રાજપક્ષે પર માર્ચથી રાજીનામું આપવાનું દબાણ વધી રહ્યું છે. એપ્રિલમાં વિરોધીઓએ તેમની ઓફિસના પ્રવેશદ્વાર પર કબજો કર્યો ત્યારથી તેઓ રાષ્ટ્રપતિના નિવાસસ્થાનનો ઉપયોગ તેમના નિવાસસ્થાન અને કાર્યાલય તરીકે કરી રહ્યા છે.
તમને જણાવી દઈએ કે આર્થિક સંકટનો સામનો કરી રહેલા શ્રીલંકાની હાલત ખરાબ થઈ રહી છે. સામાન્ય લોકો મોંઘવારીથી ત્રસ્ત છે. લોકો તેલ અને વીજળીની કટોકટીનો સામનો કરી રહ્યા છે. આ જ કારણ છે કે વિરોધીઓ રાષ્ટ્રપતિ ગોટાબાયા રાજપક્ષે વિરુદ્ધ વિરોધ પ્રદર્શન કરી રહ્યા છે અને તેમના રાજીનામાની માંગ કરી રહ્યા છે.
- - - - - - - - - Advertisement - - - - - - - - -