Kobbi Shoshami On The Kashmir Files: IFFI 2022જ્યુરી હેડ અને ઈઝરાયેલના ફિલ્મ નિર્માતા નાદવ લેપિડ દ્વારા બિલોવૂડની સુપર ડુપર હિટ ફિલ્મ 'ધ કાશ્મીર ફાઇલ્સ'ને લઈને કરેલી ટિપ્પણીએ ભારે હોબાળો મચાવ્યો છે. ફિલ્મને લઈને કરેલા નિવેદનની બોલિવૂડથી લઈને ઈઝરાયલ સુધી જ્યુરી હેડ નાદવ લેપિડની ટીકા થઈ રહી છે. ઇઝરાયેલના કોન્સ્યુલ જનરલ કોબી શોશાનીએ પણ જ્યુરી હેડની ટિપ્પણી પર પ્રતિક્રિયા આપી હતી.
ઇઝરાયેલના કોન્સ્યુલ જનરલ કોબી શોશાનીએ કહ્યું હતું કે, આ ફિલ્મ જોવી તેના માટે આસાન ન હતું. કોબીએ આગળ ઉમેર્યું હતું કે, જ્યારે મેં ફિલ્મ જોઈ, ત્યારે મારી આંખોમાં આંસુ આવી ગયા. આ ફિલ્મ જોવી સરળ ન હતી... હું ઈચ્છું છું કે તે ઈઝરાયેલમાં પણ બતાવવામાં આવે. અમે યહૂદીઓ છીએ ભયાનક ભયંકર સ્થિતિ સહન કરી છે અને મને લાગે છે કે આપણે બીજાના દુઃખમાં સહભાગી થવું પડશે.
'લેપિડે મોટી ભૂલ કરી'
કોબી શોશાનીએ નાવદ લેપિડને લઈને કહ્યું હતું કે, ભાષણ પછી મેં તેને કહ્યું કે, તેણે મોટી ભૂલ કરી છે, તે વાજબી નથી. અમે 'પ્રોપેગેંડા' જેવા શબ્દોના ઉપયોગને નથી સ્વીકારતા. તે ઇઝરાયેલ રાજ્યનું પ્રતિનિધિત્વ નથી કરી રહ્યા.
'તમે વિશ્વાસ અને સન્માનનો દુરુપયોગ કર્યો'
કોબી શોશાની અગાઉ ભારતમાં ઈઝરાયેલના રાજદૂત નૂર ગિલને પણ નાદવ લેપિડના નિવેદનની ટીકા કરી હતી. નૂર ગિલોને કહ્યું હતું કે, ભારતીય સંસ્કૃતિમાં મહેમાનને ભગવાન સમાન માનવામાં આવે છે. તમે IFFI ગોવા ખાતે જ્યુરીની પેનલની અધ્યક્ષતા કરવા માટેના ભારતીય આમંત્રણની સાથો સાથ તેમન પર મુકવામાં આવેલા વિશ્વાસ અને આદરનો તમે (નાદવ લેપિડ) અત્યંત ખરાબ રીતે દુરુપયોગ કર્યો છે.
નદવ લેપિડે શું કહ્યું?
ઇઝરાયલી ફિલ્મ નિર્માતા નાદવ લેપિડે કાશ્મીર ફાઇલ્સને વલ્ગર ગણાવી હતી. વિવેક અગ્નિહોત્રીની ફિલ્મ વિશે નાદવે કહ્યું હતું કે, આ ફિલ્મ પ્રોપેગેંડા આધારીત અને વલ્ગર છે. તેમણે આટલેથી પણ ના અટકતા કહ્યું હતું કે, સરકાર દ્વારા આયોજિત આ પ્રતિષ્ઠિત ફેસ્ટિવલ 'ધ કાશ્મીર ફાઇલ્સ'માં અમને આ ફિલ્મ પ્રચાર આધારિત અને અભદ્ર ફિલ્મ લાગી.
IFFIમાં નાદવ લેપિડનું ફિલ્મ 'ધ કાશ્મીર ફાઇલ્સ'ને લઈ વિવાદાસ્પદ નિવેદન, જ્યૂરીએ હાથ અદ્ધર કર્યા
વિવેક અગ્નિહોત્રી દિગ્દર્શીત ફિલ્મ 'ધ કાશ્મીર ફાઇલ્સ' ફરી એકવાર ચર્ચામાં આવી છે. ગોવામાં આયોજિત 53માં ભારતીય આંતરરાષ્ટ્રીય ફિલ્મ મહોત્સવમાં આ ફિલ્મને અશ્લીલ અને પ્રોપેગેન્ડા ફેલાવનારી ફિલ્મ કહેવામાં આવી છે. 20 નવેમ્બરથી ગોવામાં ઈન્ટરનેશનલ ફિલ્મ ફેસ્ટિવલ ઓફ ઈન્ડિયા 2022 (IFFI 2022)નું આયોજન કરવામાં આવ્યું હતું. આ બાબતને લઈને વિવાદ સર્જાયો છે. જોકે, સમગ્ર મામલે જ્યૂરીએ હાથ અદ્ધર કરી લીધા છે.