આ રસીને રજિસ્ટર્ડ કરવા માટે તમામ તૈયારી થઇ ચૂકી છે તે અનુસાર તેને બારમી ઓગસ્ટે રજિસ્ટર કરવામાં આવશે. જેના પગલે રશિયા કોરોના મહામારી સામે લડવા માટે રસી વિકસાવનારો પ્રથમ દેશ બની જશે.
રશિયા સરકારે દાવો કર્યો છે કે, સપ્ટેમ્બરમાં તેનું માસ-પ્રોડક્શન શરૂ થશે અને ઓક્ટોબરથી દેશભરમાં રસીકરણ શરૂ કરવામાં આવશે.
રશિયાની કોરોના રસીમાં ચેપ લાગેલા પ્રોટીનને કોરોના વાઇરસ સાથે માનવશરીરમાં દાખલ કરી રોગપ્રતિકારક પ્રતિભાવ પેદાં કરવામાં આવશે. રસીની સલામતિ અને અસરકારકતા બાબતે થઇ રહેલી અટકળોનો જવાબ આપતાં ગામાલેયા રિસર્ચ સેન્ટરના ડાયરેકટર એલેક્ઝાન્ડર જિન્ટસબર્ગે જણાવ્યું હતું કે કોરોના વાઇરસના વિષાણુઓ શરીરને નુકશાન પહોંચાડી શકે તેમ નથી કેમ કે તેમની સંખ્યા વધતી નથી.
રશિયાની આ કોરોના રસીને અન્ના પાપોવા નામની વોચડોગ સંસ્થા દ્વારા મંજૂરી આપવામાં આવી છે. પણ નિષ્ણાતોએ જે રીતે રસી વિકસાવવા માટે ફાસ્ટ ટ્રેક અભિગમ અપનાવવામાં આવ્યો છે તેની ટીકા કરી છે.
રસી લાવવાની ઉતાવળમાં છે રશિયા
વિશ્વના વૈજ્ઞાનિકોને ચિંતા છે કે ક્યાંક પ્રથમ આવવાની હોડમાં કંઈક ઉંધું ન થાય. રશિયાના દાવાને સમર્થન આપનાર હજુ સીધી એક પણ વૈજ્ઞાનિક પુરાવા રજુ કરવામાં આવ્યા નથી. મોસ્કો સ્પૂતનિક (ધરતીનો પ્રથમ કૃત્રિમ ઉપગ્રહ)ની જેમ જ પ્રચારિત જીત મેળવવાનું વિચારી રહ્યું છે જે વિશ્વના પ્રથમ ઉપગ્રહણના 1957માં સોવિયત સંઘના પ્રક્ષેપણની યાદ અપાવે.
બીજી બાજુ રશિયાનૈ વૈજ્ઞાનિકોનું કહેવું છે કે, રસી ટૂંકમાં જ તૈયાર કરી લેવામાં આવી, કારણ કે આ પહેલાથી જ આ પ્રકારની અન્ય બીમારીઓ સામે લડવામાં સક્ષમ છે. આ દૃષ્ટિકોણ અનેક અન્ય દેશો અને કંપનીઓનો છે. રશિયાના રક્ષા મંત્રાલયનું કહેવું છે કે, રશિયા સૈનિકોએ હ્યૂમન ટ્રાયલમાં વોલન્ટિયર્સ તરીકે કામ કર્યું છે. દાવો છે કે પ્રોજેક્ટના ડાયરેક્ટર એલેક્ઝાન્ડર ગિન્સબર્ગ ખુદે આ રસી લીધી છે.