Airspace Breach: અમેરિકામાં એરસ્પેસ ઉલ્લંઘનનો મામલો સામે આવ્યો છે. ગયા મહિને ત્રણ વિમાન રાષ્ટ્રપતિ ટ્રમ્પના ફ્લોરિડા રિસોર્ટ ઉપરથી પસાર થયા હતા. આ પછી F-16 ફાઈટર જેટને ત્યાં તૈનાત કરવામાં આવ્યા હતા. આ ફાઈટર જેટ વિમાનોને એરસ્પેસની બહાર લઈ જવા માટે ફ્લેરનો ઉપયોગ કરતા હતા.
'પામ બીચ પોસ્ટ' અનુસાર, જ્યારે રાષ્ટ્રપતિ ટ્રમ્પે ફેબ્રુઆરીમાં માર-એ-લાગો રિસોર્ટની મુલાકાત લીધી હતી, ત્યારે તેમની મુલાકાત દરમિયાન શહેરની ઉપરની હવાઈ ક્ષેત્રનું ત્રણ વખત ઉલ્લંઘન કરવામાં આવ્યું હતું. બે ઉલ્લંઘન 15 ફેબ્રુઆરીએ અને એક ઉલ્લંઘન 17 ફેબ્રુઆરી, રાષ્ટ્રપતિ દિવસના રોજ થયું હતું.
ફ્લોરિડાના પામ બીચ પર સવારે 11:05, બપોરે 12:10 અને બપોરે 12:50 વાગ્યે એરસ્પેસ ઉલ્લંઘન થયું હતું. અહીં અમેરિકી રાષ્ટ્રપતિ ટ્રમ્પનો માર-એ-લાગો રિસોર્ટ છે. ડેઈલી મેઈલના અહેવાલ મુજબ ત્રણેય વિમાન નાગરિક વિમાન હતા. બેક ટુ બેક એરક્રાફ્ટ પસાર થયા પછી, નોર્થ અમેરિકન એરોસ્પેસ ડિફેન્સ કમાન્ડ (NORAD) એ પ્રતિબંધિત એરસ્પેસમાં F-16 ફાઇટર પ્લેન તૈનાત કરવા પડ્યા.
અહેવાલોમાં જાણવા મળ્યું છે કે, ફાઇટર પ્લેન નાગરિક વિમાનોને પ્રતિબંધિત હવાઈ ક્ષેત્રની બહાર જવા દબાણ કરવા માટે જ્વાળાઓનો ઉપયોગ કરે છે. આ વિમાનો પામ બીચ એરસ્પેસમાં શા માટે પ્રવેશ્યા તે હજુ સ્પષ્ટ નથી. જો કે, આ સામાન્ય ઘટના પણ હોઈ શકે છે કારણ કે તાજેતરના અઠવાડિયામાં આવી અન્ય ઘટનાઓ બની છે.
ફ્લેયર્સનો ઉપયોગ કેમ?
નોર્થ અમેરિકન એરોસ્પેસ ડિફેન્સ કમાન્ડ (NORAD) અનુસાર, આવા એરસ્પેસ ઉલ્લંઘનમાં ફ્લેરનો ઉપયોગ કરવામાં આવે છે કારણ કે તે જમીન પરના લોકો માટે કોઈ ખતરો નથી. આ ઝડપથી અને સંપૂર્ણ રીતે બળી જાય છે અને ઉલ્લંઘન ક પાયલોટને એરસ્પેસ છોડવાનો સંકેત પણ આપે છે.
આ પણ વાંચો
Microsoft Outlook Down: વિશ્વભરમાં માઈક્રોસોફ્ટ આઉટલુક ડાઉન,યૂઝર્સ થયા પરેશાન