US Visa Ban: અમેરિકી રાષ્ટ્રપતિ ડોનાલ્ડ ટ્રમ્પ (Donald Trump) ના વહીવટીતંત્રે બુધવાર, 14 January, 2026 ના રોજ એક મોટો અને કડક નિર્ણય લઈને વૈશ્વિક સ્તરે ખળભળાટ મચાવી દીધો છે. અમેરિકાના વિદેશ વિભાગે (US State Department) તાત્કાલિક અસરથી 75 જેટલા દેશોના નાગરિકો માટે વિઝા પ્રક્રિયા સ્થગિત કરી દીધી છે. આ પાછળનું મુખ્ય કારણ અમેરિકાની આર્થિક સુરક્ષા અને 'પબ્લિક ચાર્જ' (Public Charge) એટલે કે સરકારી તિજોરી પર બોજ બનતા લોકોને અટકાવવાનું છે.
કયા દેશો લિસ્ટમાં સામેલ છે? (ભારત અને પાકિસ્તાનનું શું?)
સ્ટેટ ડિપાર્ટમેન્ટ દ્વારા જારી કરાયેલી યાદીમાં રશિયા (Russia), અફઘાનિસ્તાન, ઈરાન, ઈરાક, નાઈજીરિયા, બ્રાઝિલ, સોમાલિયા, ઈજિપ્ત, થાઈલેન્ડ અને યમન જેવા દેશોનો મુખ્યત્વે સમાવેશ થાય છે. સૌથી મોટો સવાલ એ છે કે શું આમાં ભારત અને પાકિસ્તાન (India and Pakistan) સામેલ છે? અત્યાર સુધીના અહેવાલ મુજબ, આ યાદીમાં મુખ્યત્વે એવા દેશો છે જ્યાંથી આવતા લોકો અમેરિકન વેલફેર ફંડનો વધુ ઉપયોગ કરે છે અથવા સુરક્ષાનું જોખમ છે. ભારત અને પાકિસ્તાન અંગે હજુ સુધી કોઈ અલગથી સ્પષ્ટતા કરવામાં આવી નથી, પરંતુ 75 દેશોની આ યાદીમાં જે દેશોના નાગરિકો અમેરિકન કરદાતાઓ પર બોજ બની શકે છે, તેમનો સમાવેશ કરાયો છે.
શા માટે લેવાયો આ નિર્ણય?
ટ્રમ્પ પ્રશાસનનો સ્પષ્ટ મત છે કે અમેરિકન કરદાતાઓના પૈસા (Taxpayer Funds) નો દુરુપયોગ થવો જોઈએ નહીં.
મિનેસોટા કૌભાંડ: તાજેતરમાં મિનેસોટામાં એક મોટું ફ્રોડ સામે આવ્યું હતું, જેમાં સરકારી લાભોનો ગેરલાભ ઉઠાવવામાં આવ્યો હતો. આ ઘટના બાદ વહીવટીતંત્ર સતર્ક બન્યું છે.
પબ્લિક ચાર્જ: જે લોકો અમેરિકામાં આવીને સરકારી સહાય પર નિર્ભર રહે છે અથવા ભવિષ્યમાં મેડિકલ સારવાર માટે બોજ બની શકે છે, તેમને રોકવા માટે આ પગલું લેવાયું છે.
નવા નિયમો શું કહે છે?
આ પ્રતિબંધો 21 January થી અમલમાં આવશે અને જ્યાં સુધી નવી સુરક્ષા વ્યવસ્થા (Security Screening) પૂર્ણ ન થાય ત્યાં સુધી અનિશ્ચિત સમય માટે ચાલુ રહેશે. સ્ટેટ ડિપાર્ટમેન્ટના પ્રવક્તા ટોમી પિગોટના જણાવ્યા અનુસાર, હવે કોન્સ્યુલર ઓફિસરો વિઝા આપતી વખતે નીચેની બાબતોની કડક તપાસ કરશે:
અરજદારની ઉંમર અને સ્વાસ્થ્ય.
અંગ્રેજી ભાષા (English Proficiency) પર પકડ.
નાણાકીય સ્થિતિ (Financial Status).
વધુ વજન (Obesity) અથવા ગંભીર બીમારી ધરાવતા લોકો જે લાંબા ગાળાની સારવાર માંગી શકે છે, તેમના વિઝા નકારવામાં આવી શકે છે.
આ નવા નિયમોનો મુખ્ય ઉદ્દેશ્ય એ સુનિશ્ચિત કરવાનો છે કે અમેરિકામાં પ્રવેશતા વિદેશી નાગરિકો દેશના સંસાધનો પર બોજ ન બને પરંતુ દેશના વિકાસમાં યોગદાન આપે.