લોકૉકે પરિષદને સચેત કર્યા કે, નબળા દેશોમાં કોરોના સંકટના કારણે આરોગ્ય પર પડનારા અપ્રત્યક્ષ પ્રભાવોના કારણે “ગરીબી વધશે, સરેરાશ વય ઘટશે, ભુખમરો વધશે, શિક્ષણની સ્થિતિ વધુ બગડશે અને વધુ બાળકોનાં મોત થશે.”
આ વૈશ્વિક મહામારીના કારણે દુનિયાભરમાં 8,60,000 થી વધુ લોકોના મોત થથઈ ચૂક્યા છે અને બે કરોડ 60 લાખથી વધુ લોકો સંક્રમિત થયાની પુષ્ટી થઈ છે. લોકોકે કહ્યું કે, સંક્રમણના લગભગ એક તૃતિયાંશ કેસ માનવતાવાદી અથવા શરણાર્થી સંકટનો સામનો કરી રહેલા દેશો અથવા કમજોર દેશોમાં સામે આવ્યું છે. પરંતુ આ દેશ મહામારીથી હકીકતમાં કેટલા અસરગ્રસ્ત છે, તે હજુ જાણી શકાયું નથી.
લોકોકે કહ્યું કે, તેનું કારણ એ છે કે, આ દેશોમાં ટેસ્ટિંગ ઓછું થઈ રહ્યું છે , કેટલાક સ્થળે લોકો મદદ નથી માંગવા માંગતા, કારણ કે તેમને કદાચ ક્વોરંન્ટાઈ રહેવાની આશંકા છે અથાવ તો એ વાતનો ડર છે કે, તેને જરૂરી સારવાર નહીં મળે. એક સારા સમાચાર એ છે કે, તે દેશોમાં કોવિડ-19ના કારણે મરનારાઓની સંખ્યા આશંકા કરતા ઓછી છે. પરંતુ તેની અપ્રત્યક્ષ અસર ઘણી છે.
આ ઉપરાંત તેમણે કહ્યું કે, મહામારીના કારણે સોશિયલ મીડિયાનો ઉપયોગ ખોટી જાણકારી ફેલાવવા માટે થઈ રહ્યો છે. તે દરમિયાન નફરત ફેલાવનાર ભાષણો પણ વધ્યા છે. ખાસ કરીન પ્રાવસીઓ અને વિદેશીઓ વિરુદ્ધ.