United Nations Security Council: સંયુક્ત રાષ્ટ્ર સુરક્ષા પરિષદમાં ભારતના સ્થાયી સભ્યપદને લઇને બ્રિટન અને ફ્રાન્સ (France)નો સાથ મળ્યો છે. સુરક્ષા પરિષદમાં વીટો પારવ રાખનારા બે સ્થાયી સભ્યો બ્રિટન (Britain) અને ફ્રાન્સે ભારત માટે પરમેનન્ટ મેમ્બરશીપને લઇને પોતાનુ સમર્થન આપ્યુ છે. ફ્રાન્સ સ્થાયી સભ્યો તરીકે જર્મની, બ્રાઝીલ, ભારત અને જાપાનની ઉમેદવારીનું સમર્થન કરે છે. આ ઉપરાંત સંયુક્ત આરબ અમીરાતે (UAE) પણ સ્થાયી સભ્યપદને લઇને ભારતની વકીલાત કરી છે.
યુએન (UN)માં બ્રિટનના સ્થાયી પ્રતિનિધિ ડેમ બારબરા વુડવર્ડાએ કહ્યું કે, જેમ કે બીજાઓએ કહ્યું કે, સુરક્ષા પરિષદમાં દુનિયાના વધુ પ્રતિનિધિઓ બનવા જોઇએ અને બ્રિટને લાંબા સમયથી સ્થાયી અને બિન સ્થાયી બન્ને સીરીઝમાં આ વિસ્તારની વાત કહી છે.
ફ્રાન્સ અને બ્રિટને કર્યુ ભારતનું સમર્થન -
સંયુક્ત રાષ્ટ્ર સુરક્ષા પરિષદના સ્થાયી પ્રતિનિધિ રાજદૂત નિકોલસ ડી રિવિએરે કહ્યું કે, અમે નવી તાકાતોના ઉદ્વવને ધ્યાનમાં રાખતા સુરક્ષા પરિષિદના વિસ્તારનુ સમર્થન કરીએ છીએ. જેની સાથે દુનિયા છે, અને સુરક્ષા પરિષદમાં સ્થાયી હાજરીની જવાબદારી ઉઠાવવાની ક્ષમતા છે, આ રીતે ફ્રાન્સ સ્થાયી સભ્યો તરીકે જર્મની, બ્રાઝીલ, ભારત અને જાપાનની ઉમેદવારીનુ સમર્થન કરે છે.
ઉલ્લેખનીય છે કે, સંયુક્ત રાષ્ટ્ર સુરક્ષા પરિષદમાં સ્થાયી સભ્ય બનવા માટે ભારત લાંબા સમયથી અભિયાન ચલાવી રહ્યું છે, પરંતુ અત્યાર સુધી સફળતા હાંસલ નથી થઇ, ભારતની કોશિસ પર હંમેશા ચીન જ રોડા નાંખી રહ્યું છે. જ્યારે બાકીના ચારેય સભ્યો ભારતના સમર્થનમાં આવી રહ્યાં છે. તમામ સભ્ય દેશો ભારતની વકીલાત કરી ચૂક્યા છે. આ પહેલા અમેરિકા અને રશિયા પણ ભારતના સભ્યપદને લઇને સમર્થન કરી ચૂક્યુ છે. જો ભારત સંયુક્ત રાષ્ટ્ર સુરક્ષા પરિષદનું સભ્ય બની જાય છે, તો સૌથી મોટો ઝટકો ચીનને લાગી શકે છે, ચીન નથી ઇચ્છતુ કે આમ થાય.
કાયમી સભ્યોની સંખ્યા વધારવાની માંગ -
વર્તમાનમાં UN સિક્યુરિટી કાઉન્સિલના માત્ર 5 જ સ્થાયી સભ્યો છે. જેમાં અમેરિકા, રશિયા, ચીન, ફ્રાંસ અને બ્રિટનનો સમાવેશ થાય છે. વૈશ્વિક વસ્તી, અર્થવ્યવસ્થા અને નવા ભૂ-રાજકીય પરિસ્થિતિઓને ધ્યાનમાં રાખીને લાંબા સમયથી સ્થાયી સભ્ય દેશોની સંખ્યા વધારવાની માંગ કરવામાં આવી રહી છે. ભારત લાંબા સમયથી સંયુક્ત રાષ્ટ્ર સુરક્ષા પરિષદમાં કાયમી સભ્યપદની માંગ ઉઠાવી રહ્યું છે. હવે ઘણા યુરોપિયન દેશોએ સુરક્ષા પરિષદમાં ભારતના કાયમી સભ્યપદને સમર્થન આપવા લાગ્યા છે.