UNSCમાં ટ્રમ્પે ચીનને આડે હાથ લઈને શું કર્યો પ્રહાર, જાણો વિગતે
abpasmita.in | 24 Sep 2019 08:58 PM (IST)
ડોનાલ્ડ ટ્રમ્પે કહ્યું કેનેડા અને મેક્સિકો સાથે નવી ટ્રેડ ડીલ પર કામ કરી રહ્યા છીએ. બ્રિટન સાથે પણ વાત ચાલી રહી છે. ચીને રિફોર્મ લાગુ કરવાની ના પાડી દીધી છે. ચીને કરન્સી સાથે છેડછાડ કરી, ઈન્ટેલેક્ચુઅલ પ્રોપર્ટીની ચોરી કરી છે.
ન્યૂયોર્કઃ અમેરિકન રાષ્ટ્રપતિ ડોનાલ્ડ ટ્રમ્પે સંયુક્ત રાષ્ટ્ર મહાસભાની બેઠકમાં સામેલ થવા પત્ની મેલેનિયા સાથે પહોંચ્યા હતા. જ્યાં તેમણે કહ્યું કે, અમેરિકામાં વિવિધ સમુદાયોની બેરોજગારી દરમાં ઘણો ઘટાડો થયો છે. અમેરિકામાં ખોટી નીતિઓના કારણે મેન્યુફેક્ચરિંગ ક્ષેત્રમાં આશરે 15 લાખ નોકરીઓ પર અસર પડી. કેનેડા અને મેક્સિકો સાથે નવી ટ્રેડ ડીલ પર કામ કરી રહ્યા છીએ. બ્રિટન સાથે પણ વાત ચાલી રહી છે. ચીને રિફોર્મ લાગુ કરવાની ના પાડી દીધી છે. ચીને કરન્સી સાથે છેડછાડ કરી, ઈન્ટેલેક્ચુઅલ પ્રોપર્ટીની ચોરી કરી છે. મેં આ પ્રકારની નીતિઓ પર કાબૂ કરવા માટે ચીનના સામાન પર ભારે ટેરિફ નાંખ્યો. અગાઉ આ પ્રકારની બાબતો પર કામ કરવામાં નહોતું આવ્યું. હોંગકોંગમાં જે થઈ રહ્યું છે, તેનાથી આશા છે કે ચીન પણ સંધિનું પાલન કરશે.