અમેરિકામાં અત્યાર સુધીમાં 111,386 લોકોના મોત
વર્લ્ડોમીટર મુજબ, અમેરિકામાં કોરોના વાયરસના દર્દીઓની સંખ્યા શનિવાર સવારે સુધી વધીને 19 લાખ 65 હજારને પાર પહોંચી છે. જ્યારે કુલ 1 લાખ 11 હજાર લોકોના મોત થયા છે. 7 લાખ 37 હજાર લોકો સ્વસ્થ થયા છે. કુલ 6 ટકા કોરોના સંક્રમિત લોકોના મોત થયા છે. જ્યારે 33 ટકા લોકો આ બીમારીથી સાજા થયા છે.
અમેરિકાના ન્યૂયોર્ક શહેરમાં સૌથી વધુ 396699 કેસ સામે આવ્યા છે. માત્ર ન્યૂયોર્કમાં જ 30372 લોકોના મોત થયા છે. ત્યારબાદ ન્યૂ જર્સીમાં 165162 કોરોના દર્દીમાંથી 12082 લોકોના મોત થયા છે. આ સિવાય મૈસાચુસેટ્સ,ઈલિનોયસ, ફ્લોરિડા પણ સૌથી વધુ પ્રભાવિત છે.
અમેરિકાના રાષ્ટ્રપતિ ડોનાલ્ડ ટ્રમ્પે મોટો દાવો કર્યો છે. ટ્રમ્પનું કહેવું છે કે અમેરિકાની પાસે રસીના બે મિલિયનથી વધારે ડોઝ તૈયાર છે. ટ્રમ્પે આ દાવો ગુરુવારે રસીને લઈને થયેલ મીટિંગ બાદ કર્યો છે. જોકે હજુ સુધી આ રસીની સુરક્ષા તપાસ થવાની બાકી છે. સુરક્ષા તપાસ બાદ રસીનું ટ્રાન્સપોર્ટેશન શરૂ કરવામાં આવશે.
ટ્રમ્પે કહ્યું કે, ‘અમેર રસીને લઈને એક બેઠક કરી અને અમે આ મામલે ખૂબ જ સારું કામ કરી રહ્યા છીએ. રસીને લઈને અમે ઝડપથી આગળ વધીરહ્યા છીએ. જો રસી સુરક્ષા તપાસમાં પાસ થઈ જાય તો અમે તેના બે મિલિયનથી વધારે ડોઝ તૈયાર કરી રહ્યા છે.”