ગુરુવારે કોસ્ટા રિકામાં ઇમરજન્સી લેન્ડિંગ દરમિયાન કાર્ગો પ્લેન ક્રેશ થતાં સેન જોસમાં આંતરરાષ્ટ્રીય એરપોર્ટ કામચલાઉ ધોરણે બંધ કરવામાં આવ્યું હતું. આ પીળા રંગના પ્લેનમાંથી ધુમાડો નીકળી રહ્યો હતો કારણ કે તે લેન્ડિંગ વખતે રનવે પરથી ઉતરી થઈ ગયું હતું અને પાછળના પૈડા તૂટી ગયા હતા. જો કે, પરિસ્થિતિ વિશે માહિતી આપતા કોસ્ટા રિકાના ફાયર ચીફે કહ્યું કે બે ક્રૂ મેમ્બરની હાલત સારી છે.
અહીંના સ્થાનિક રેડ ક્રોસ કાર્યકરના જણાવ્યા અનુસાર, આ ગ્વાટેમાલાના બન્ને પાઇલટ્સને તબીબી તપાસ માટે સાવચેતી તરીકે હોસ્પિટલમાં ખસેડવામાં આવ્યા હતા. વાસ્કવેઝે જણાવ્યું હતું કે પાઇલટને નાની-મોટી ઇજાઓ થઇ હતી પરંતુ બંને ડ્રાઇવરો સભાન હતા અને તેમને બધું સ્પષ્ટ રીતે યાદ હતું.
ક્રૂએ ઈમરજન્સી લેન્ડિંગ માટે પરવાનગી માંગી હતી
આ અકસ્માત સવારે 10.30 કલાકે થયો હતો. જ્યારે બોઇંગ એરક્રાફ્ટ નંબર-757 સેન જોસના જુઆન સેન્ટામરિયા ઇન્ટરનેશનલ એરપોર્ટ પરથી ઉડાન ભરી હતી. જે લગભગ 25 મિનિટ પછી યાંત્રિક ખામીને કારણે ઈમરજન્સી લેન્ડિંગની પરવાનગી માંગી હતી. ક્રૂએ દેખીતી રીતે એરપોર્ટ પર સ્થાનિક સત્તાવાળાઓને હાઇડ્રોલિક સમસ્યા અંગે ચેતવણી આપી હતી. આ ઘટના બાદ એરપોર્ટને સાંજે 6 વાગ્યા સુધી બંધ કરી દેવામાં આવ્યું હતું.