બગદાદ: મોસૂલથી હટીને ઈસ્લામિક સ્ટેટના આતંકીઓએ તેલના કૂવામાં આગ લગાવી દીધી છે. જેના લીધે આકાશમાં ઘણાં કિલોમીટર સુધી કાળો ધુમાડાના વાદળો સ્પષ્ટ દેખાઈ રહ્યા હતા. માનવામાં આવી રહ્યું છે કે ન્યૂયોર્ક શહેરના મૂકાબલામાં આ ધુમાડાના વાદળો ઘણા વિસ્તારોમાં ફેલાયેલા છે. અહીં આ ખતરનાક વાદળોના છાયામાં હાલ પણ ઘણા પરિવાર રહેલા છે, જે દરેક ક્ષણે જીવવા માટે વલખા મારી રહ્યા છે. જ્યારે બીજી બાજુ અહીં રહેનાર લોકોને સ્વચ્છ પાણી પણ મળી રહ્યું નથી.


આઈએસ આતંકીઓએ વૉટર ટ્રીટમેંટ પ્લાંટ સહિત ઘણી જગ્યાઓને આગના હવાલે કરી દીધી છે. એક જાણકારી પ્રમાણે ઈરાકી ફોજની નજીક ત્રણ હજાર જવાન મોસુલના છ જિલ્લાઓ પર કબ્જો કરવા માટે સંઘર્ષ કરી રહ્યા છે. છેલ્લા બે વર્ષોમાં આ પહેલો મોકો છે જ્યાં એક શહેરમાં ઈરાકના ઝંડા જોવા મળી રહ્યા છે. સંયુક્ત રાષ્ટ્રને પણ ચેતવણી આપવામાં આવી છે કે આતંકી પોતાની જાતને બચાવવા માટે કોઈ પણ હદ સુધી જઈ શકે છે.