શું મહિલા ખેડૂતોને પણ PM કિસાન યોજનાનો લાભ મળે છે? આ છે નિયમ

ભારત એક કૃષિપ્રધાન દેશ છે, તેથી જ સરકાર ભારતમાં ખેડૂતોને લાભ આપવા માટે ઘણી યોજનાઓ ચલાવે છે.

આ સંદર્ભે, કેન્દ્ર સરકાર દ્વારા વર્ષ 2019માં પ્રધાનમંત્રી કિસાન સન્માન નિધિ યોજના શરૂ કરવામાં આવી હતી. આ યોજના હેઠળ લાભાર્થી ખેડૂતોને વાર્ષિક 6 હજાર રૂપિયા આપવામાં આવે છે.

આ રકમ ચાર મહિનાનાં ગાળામાં રૂ. 2000ના ત્રણ હપ્તામાં DBT દ્વારા સીધી ખેડૂતોના ખાતામાં મોકલવામાં આવે છે.

આ યોજનાને લઈને લોકોના મનમાં અનેક પ્રકારના પ્રશ્નો હોય છે. જેમાં એક પ્રશ્ન એ છે કે શું મહિલા ખેડૂતોને પણ આ યોજનાનો લાભ મળે છે.

તો તમને જણાવી દઈએ કે સરકાર દ્વારા ચલાવવામાં આવતી આ યોજના હેઠળ માત્ર પુરૂષોને જ નહીં પરંતુ મહિલા ખેડૂતોને પણ સમાન લાભ આપવામાં આવે છે.

જો કે મહિલા ખેડૂતના નામે ખેતી માટે જમીન હોવી જોઈએ. અને આ સાથે મહિલા ખેડૂતે યોજનાઓની બાકી રહેલી પાત્રતા પૂરી કરવી જરૂરી છે.