Ganesh Chaturthi 2023: આજે ગણેશ ચતુર્થી પર ભૂલથી પણ ના કરો આ કામ, જાણો ગણેશજીની પૂજાના નિયમો

Ganesh Chaturthi 2023: ગણેશ ચતુર્થી પર બાપ્પાની પૂજા કરતી વખતે કેટલીક ખાસ વાતોનું ધ્યાન રાખવું જોઇએ નહીં તો તમને પૂજાનું ફળ મળશે નહીં. આ વર્ષે ગણેશ ચતુર્થી 19 સપ્ટેમ્બર 2023ના રોજ છે.

મુહૂર્ત - ગણેશ ચતુર્થીના દિવસે શુભ મુહૂર્તમાં જ બાપ્પાની સ્થાપના કરો. આનાથી તમને રિદ્ધિ-સિદ્ધિની પ્રાપ્તિ થશે. બપોરનો સમય પૂજા માટે શ્રેષ્ઠ છે. એકવાર સ્થાપના થયા બાદ ભગવાન ગણેશજીની મૂર્તિને અન્ય સ્થળે ખસેડશો નહીં.

સાચી દિશા - ગણપતિની મૂર્તિની સ્થાપના પૂર્વ કે ઉત્તર-પૂર્વ ખૂણામાં જ કરો. આમ કરવાથી 10 દિવસ સુધી ઘરમાં બાપ્પાનો વાસ રહે છે.

જો તમે ઘરમાં ભગવાન ગણેશજીની સ્થાપના કરી રહ્યા છો તો તેને દરરોજ સવાર-સાંજ 10 દિવસ સુધી આરતી કરો અને થાળ ધરાવો. મૂર્તિની નજીક અંધારુ ના થવા દો.

ગણપતિજીને સિંદૂર, દૂર્વા અને મોદક અર્પણ કરો પરંતુ બાપ્પાની પૂજામાં ભૂલથી કેતકીના ફૂલ અને તુલસીનો ઉપયોગ ના કરો. પૂજામાં વાસી અથવા સુકાઈ ગયેલા ફૂલોનો ઉપયોગ ના કરો.

ગણેશજીના પ્રિય રંગો લાલ અને પીળા છે. આ રંગોના કપડાં પહેરીને જ પૂજા કરો. ભૂલથી પણ કાળા રંગના કપડાં ના પહેરો. જો તમે આમ કરશો તો 10 દિવસની પૂજા વ્યર્થ જશે અને તમને કોઈ પરિણામ નહીં મળે.

ગણેશ ઉત્સવ દરમિયાન માંસ અને દારૂનું સેવન ન કરો. તામસિક ભોજનથી પણ દૂર રહેવું જોઈએ. ગણેશ ચતુર્થીના રોજ વ્રત રાખનારાઓએ બ્રહ્મચર્યનું પાલન કરવું જોઈએ. શરીરની સાથે મનની પણ શુદ્ધતા રાખો, કોઈની સાથે દુર્વ્યવહાર ન કરો કે કોઈની સાથે વાદ-વિવાદ ન કરો.