Sharad Purnima 2022: અંબાજીમાં મંગળા આરતીમાં ઉમટ્યાં ભક્તો, નવરાત્રી દરમિયાન મંદિરને થઈ આટલા કરોડની આવક

અંબાજીમાં શરદ પૂર્ણિમા નિમિત્તે આજે સવારે 6 વાગે મંગળા આરતીમાં મોટી સંખ્યામાં ભક્તો ઉમટી પડ્યો હતા.

શરદ પૂર્ણિમા પર મંગળા આરતીનો લાભ લેવા ભક્તોની લાંબી કતાર લાગી હતી.

નવરાત્રી દરમિયાન અંબેમાં ના ચરણોમાં કરોડોની ભેટ આવી હતી. મંદિરમાં 1020 ગ્રામ સોનુ, 2625 ગ્રામ ચાંદી સહિત 1.48 કરોડની આવક થઈ.

અંબાજીમાં શરદ પૂર્ણિમા પર મંગળા આરતીનો લાભ લેવા માનવ મહેરામણ ઉમટી પડ્યું હતું.

માતાજીના દર્શન કરવા ભક્તોએ વહેલી સવારથી જ લાઈન લગાવી હતી.

રાત્રે 12 વાગે માતાજીને દૂધ પૌવા ધરાવ્યા બાદ ભક્તોમાં પ્રસાદીનું વિતરણ કરવામાં આવશે.

ધાર્મિક માન્યતાઓ અનુસાર આ દિવસે માતા લક્ષ્મી પૃથ્વી પર આવે છે અને પોતાના ભક્તો પર આશીર્વાદ વરસાવે છે. આ સાથે તે પોતાના ભક્તોની સમસ્યાઓ દૂર કરવા માટે વરદાન આપે છે.

શરદ પૂર્ણિમાની રાત્રે ચંદ્ર પૃથ્વીની સૌથી નજીક હોય છે. એવું માનવામાં આવે છે કે શરદ પૂર્ણિમાની રાત્રે ચંદ્રના કિરણો આકાશમાંથી અમૃત વરસે છે.

આસો મહિનાની પૂનમનું હિન્દુ ધર્મમાં ઘણું મહત્વ છે. તેને શરદ પૂર્ણિમા, રાસ પૂર્ણિમા તરીકે પણ ઓળખવામાં આવે છે.