Sarkari Naukri: વાઇલ્ડલાઇફ ઇન્સ્ટીટ્યૂટ ઓફ ઇન્ડિયાએ બહાર પાડી મોટી ભરતી, 56 હજાર રૂપિયા સુધી મહિને પગાર

Government Job: જો તમે સરકારી નોકરી કરવા માંગો છો અને તેની શોધમા છો, તો તમારા માટે આ આર્ટિકલ ખુબ જ કામનો સાબિત થઇ શકે છે. વાઇલ્ડલાઇફ ઇન્સ્ટિટ્યૂટ ઑફ ઇન્ડિયાએ કેટલીય જગ્યાઓ માટેની ભરતી બહાર પાડી છે અને આ માટે અરજીઓ પણ મંગાવી છે. જે ઉમેદવારો જરૂરી લાયકાત ધરાવતા હોય અને આ માટે અરજી કરવાની ઈચ્છા ધરાવતા હોય તેઓ છેલ્લી તારીખ પહેલા ફોર્મ ભરી શકે છે. ખાસ વાત છે કે આ નોકરી માટે મહિને 56 રૂપિયા સુધીનો પગાર પણ મળશે.

આ પૉસ્ટ્સ પ્રૉજેક્ટ એસોસિયેટ - I, પ્રૉજેક્ટ સાયન્ટિસ્ટ, ઓફિસ આસિસ્ટન્ટ, રિસર્ચ ઈન્ટર્ન, સિનિયર પ્રૉજેક્ટ આસિસ્ટન્ટ વગેરેની છે. તેના દ્વારા કુલ 65 જગ્યાઓ પર ભરતી કરવામાં આવશે.

અરજી કરવાની પાત્રતા અને વય મર્યાદા પૉસ્ટ મુજબ છે. દરેક પૉસ્ટ વિશે વિગતવાર અને અલગ માહિતી મેળવવા માટે ઓફિશિયલ વેબસાઇટ પર આપવામાં આવેલી નૉટિસને તપાસવી વધુ સારું રહેશે.

ફોર્મ ફક્ત ઑફલાઇન જ ભરી શકાય છે, જોકે, આ પૉસ્ટ્સની વિગતો વેબસાઇટ પર મળી શકે છે. આ કરવા માટે વાઇલ્ડલાઇફ ઇન્સ્ટિટ્યૂટ ઑફ ઇન્ડિયા, દેહરાદૂનની ઓફિશિયલ વેબસાઇટનું સરનામું છે – wii.gov.in.

એપ્લિકેશન ફી વિશે વાત કરીએ તો, તે સામાન્ય કેટેગરી માટે 500 રૂપિયા છે. જ્યારે SC, ST, OBC, EWS કેટેગરીઓ માટે 100 રૂપિયા ફી ચૂકવવી પડશે. ચૂકવણી ડીડી દ્વારા થશે.

અરજી ભરો અને તેને ડિમાન્ડ ડ્રાફ્ટ સાથે આ સરનામે મોકલો. સરનામું છે - નૉડલ ઓફિસર, રિસર્ચ રિક્રૂટમેન્ટ એન્ડ પ્લેસમેન્ટ સેલ, વાઈલ્ડલાઈફ ઈન્સ્ટિટ્યૂટ ઓફ ઈન્ડિયા, ચંદ્રબાની, દેહરાદૂન - 248 001.

જો પસંદ કરવામાં આવે તો પગાર પૉસ્ટ મુજબ છે. અંદાજિત પગાર 20 હજારથી 56 હજાર રૂપિયા પ્રતિ માસની વચ્ચે હશે. વિગતો જાણવા માટે ઉપર આપેલ વેબસાઇટની લિંક પર ક્લિક કરો.