Wedding: યામી ગૌતમ બાદ આ ફેમસ એક્ટ્રેસે પણ ડાયરેક્ટર સંગ ચૂપચાપ કરી લીધા લગ્ન, તસવીરો આવી સામે

એક્ટ્રેસ અંગિરા ધર અને ડાયરેક્ટર આનંદ તિવારીએ ગુપચુપ રીતે લગ્ન કરી લીધા છે. અંગિરા અને આનંદે તાજેતરમાં જ લગ્નની તસવીરો શેર કરી છે. તેમણે 30 એપ્રિલ 2021 પરિવાર અને નજીકના મિત્રોની ઉપસ્થિતિમાં લગ્ન કરી લીધા.

બોલિવૂડ એકટ્રેસ અંગીર ઘર અને ડાયરેક્ટર આનંદ તિવારી સિક્રેટ રીતે લગ્નના બંધનમાં બંઘાઇ ગયા. એક્ટ્રેસે તસવીર શેર કરતાં કહયું કે, તેમણે એપ્રિલમાં 'લવ સ્કાયર ફૂટ' ડાયરેક્ટર આનંદ તિવારીની સાથે લગ્ન કર્યો છે. અંગિરાએ લગ્નની તસવીરો હાલ તેમના ઇન્સ્ટાગ્રામ અકાઉન્ટ પર શેર કરી છે. તો આનંદ તિવારીએ પણ લગ્નની તસવીર શેર કરીને ફેન્સની તેમના લગ્નની જાણકારી આપી છે.

પહેલી તસવીરમાં લગ્નની રસ્મો દરમિયાન અંગિરા ધર અને આનંદ તિવારી હવન કુંડ પાસે બેઠેલા જોવા મળે છે. અંગિરા ધર દુલ્હનના ડ્રેસમાં લાલ સાડીમાં જોવા મળી રહી છે. તો આનંદ શેરવાનીમાં નજર આવે છે. જો કે આનંદે એક જ તસવીર તેના ઇન્સ્ટાગ્રામ અકાઉન્ટ પર પોસ્ટ કરી છે.

અંગિરાએ સોશિયલ મીડિયા પર તસવીર પોસ્ટ કરતાં લખ્યું કે, મે અને આનંદે અમારી દોસ્તીને લગ્નમાં પરિવર્તિત કરતા ઇશ્વર અને પરિવારની સાક્ષીમાં લગ્ન કરી લીધા છે.

અંગિરાએ લખ્યું કે, અમારી આસપાસ જિંદગી ધીરે ધીરે અનલોક થઇ રહી છે. અમે આ ખુશી આપની સાથે અનલોક કરવા ઇચ્છીએ છીએ આ સાથે તેમણે રેડ હાર્ટનું ઇમોજી પણ કેપ્શન મૂક્યું હતું. આનંદે પણ આવું જ ઇમોજી શેર કર્યું છે.