Singham Again Collection: 'સિંઘમ' નો વર્લ્ડવાઇડ રેકોર્ડ, ફિલ્મ 100 કરોડ ક્લબમાં થઇ સામેલ

Singham Again Worldwide Collection: અજય દેવગનની ફિલ્મ 'સિંઘમ અગેન' સિનેમાઘરોમાં રિલીઝ થઈ ગઈ છે. બૉક્સ ઓફિસ પર શાનદાર ઓપનિંગ કર્યા બાદ આ ફિલ્મ હવે વર્લ્ડવાઈડ 100 કરોડના ક્લબનો હિસ્સો બની ગઈ છે.

સિંઘમ અગેઇન 1 નવેમ્બરના રોજ વિશ્વભરમાં રિલીઝ થઈ છે. આ ફિલ્મ 1900 સ્ક્રીન પર ચાલી રહી છે અને સારી કમાણી કરી રહી છે. રોહિત શેટ્ટી દ્વારા નિર્દેશિત ફિલ્મ સિંઘમ અગેઇન દિવાળીના અવસર પર સ્ક્રીન પર આવી છે. ફિલ્મને દર્શકોનો સારો પ્રતિસાદ મળી રહ્યો છે.

Sacknilk અનુસાર, ફિલ્મે પ્રથમ દિવસે ઘરેલુ બોક્સ ઓફિસ પર 43.5 કરોડ રૂપિયાની કમાણી કરી હતી. હવે બે દિવસમાં ફિલ્મે વિશ્વભરમાં 100 કરોડનો આંકડો પાર કરી લીધો છે.

'સિંઘમ અગેન'એ પ્રથમ દિવસે વિશ્વભરમાં બોક્સ ઓફિસ પર 65 કરોડ રૂપિયાનો બિઝનેસ કર્યો હતો. હવે આ ફિલ્મે ભારતમાં બીજા દિવસે કેટલી કમાણી કરી છે તેના આંકડા સામે આવ્યા છે.

સિંઘમ અગેન એ ભારતમાં બીજા દિવસે 41.5 કરોડ રૂપિયાનું કલેક્શન કર્યું છે. એટલે કે આ ફિલ્મ વિશ્વભરમાં 100 કરોડના ક્લબમાં પ્રવેશી ગઈ છે.

અજય દેવગનની ફિલ્મ 'સિંઘમ અગેન'ના બીજા દિવસનું વર્લ્ડવાઈડ કલેક્શન હજુ સુધી જાહેર કરવામાં આવ્યું નથી.

સિંઘમ અગેન બોક્સ ઓફિસ પર કાર્તિક આર્યનની ફિલ્મ ભૂલ ભુલૈયા 3 નો સામનો કરી રહી છે. બંને ફિલ્મો વચ્ચે જબરદસ્ત સ્પર્ધા છે.

સિંઘમ અગેનનું નિર્દેશન રોહિત શેટ્ટીએ કર્યું છે. દિગ્દર્શકની કોપ બ્રહ્માંડની આ પાંચમી ફિલ્મ છે.

ફિલ્મમાં અજય દેવગન લીડ રૉલમાં છે. આ સિવાય કરીના કપૂર, રણવીર સિંહ, દીપિકા પાદુકોણ, ટાઈગર શ્રોફ, જેકી શ્રોફ, અર્જુન કપૂર અને અક્ષય કુમાર પણ આ ફિલ્મનો ભાગ છે.