Anant Ambani Wedding: વરરાજા બન્યા અનંત અંબાણી, જાન લઈ પહોંચ્યો અંબાણી પરિવાર, જુઓ પ્રથમ તસવીર

મુકેશ અંબાણી અને નીતા અંબાણી તેમના નાના પુત્ર અનંત અંબાણીના લગ્ન માટે પરિવાર સાથે લગ્ન સ્થળે પહોંચ્યા છે. જ્યાંથી લગ્નના જાનૈયાઓની પ્રથમ તસવીર પણ સામે આવી છે. આ તસવીરોમાં ફરી એકવાર અંબાણી પરિવાર રોયલ લુકમાં જોવા મળ્યો હતો.

અનંત અંબાણી અને રાધિકા મર્ચન્ટ આજે મુંબઈમાં Jio વર્લ્ડ સેન્ટરમાં સાત ફેરા લેવા જઈ રહ્યા છે. આ માટે વરરાજા અનંત અંબાણી વેડિંગ વેન્યૂ પર પહોંચી ગયા છે.

અનંત અંબાણી તેમના સમગ્ર પરિવાર સાથે Jio વર્લ્ડ સેન્ટર પહોંચ્યા છે. જ્યાં બધાએ અંદર જતા પહેલા પાપારાઝીને અનેક પોઝ આપ્યા હતા.

આ તસવીરોમાં વરરાજા અનંત અંબાણી સોનેરી રંગની બંધ ગળાની શેરવાનીમાં જોવા મળી રહ્યા છે.

વરરાજાના માતા-પિતા પણ રોયલ લુકમાં જોવા મળ્યા હતા. મુકેશ અંબાણીએ ગુલાબી રંગની શેરવાની પહેરી છે અને નીતા અંબાણીએ તેમના પુત્ર સાથે મેચિંગ ગોલ્ડન રંગનો હેવી લહેંગા પહેર્યો છે.

આ તસવીરોમાં અંબાણી પરિવારનો મોટો દિકરો આકાશ અંબાણી પીચ શેડની શેરવાનીમાં જોવા મળે છે. જ્યારે તેની પત્ની શ્લોકાએ ડાયમંડ વર્કવાળો ગુલાબી લહેંગા પહેર્યો છે જેની સાથે તેણે ગોલ્ડન દુપટ્ટો પહેર્યો છે.

આ દરમિયાન, મુકેશ અંબાણીની દિકરી ઈશા અંબાણી ગુલાબી અને પીળા રંગના લહેંગામાં જોવા મળી હતી, તેણે તેના ગળામાં એક મોટો હીરાનો સેટ પણ પહેર્યો હતો.

તસવીરોમાં અંબાણી પરિવારના જમાઈ અને ઈશા અંબાણીના પતિ આનંદ પીરામલ તેમની પત્ની સાથે શેરવાની મેચ કરતા જોવા મળ્યા હતા.