Kangana Ranaut Rejected Movie: બોલિવૂડ સુપરસ્ટાર્સની અનેક ફિલ્મોને ફગાવી ચૂકી છે કંગના રનૌત

બોલિવૂડ અભિનેત્રી કંગના રનૌતે ‘થલાઈવી’, ‘મણિકર્ણિકા’, ‘ક્વીન’, ‘તનુ વેડ્સ મનુ રિટર્ન્સ’ અને બીજી ઘણી ફિલ્મોમાં તેના જોરદાર અભિનયથી દર્શકોને પ્રભાવિત કર્યા છે. પરંતુ કંગનાએ સલમાન ખાન, અક્ષય કુમાર, રણબીર કપૂર સહિત અન્ય પ્રખ્યાત સ્ટાર્સની ફિલ્મોને નકારી કાઢી હતી.

નિમ્રત કૌર પહેલા કંગના રનૌતને ફિલ્મ 'એરલિફ્ટ'ની ઓફર કરવામાં આવી હતી, પરંતુ તેણે પોતાના વ્યસ્ત શેડ્યૂલને કારણે તેને નકારી કાઢી હતી.

કંગનાને ફિલ્મ 'સંજુ'માં સંજય દત્તની ઓન-સ્ક્રીન પત્નીનો રોલ ઑફર કરવામાં આવ્યો હતો પરંતુ કેટલાક કારણોસર તે આ ફિલ્મ કરી શકી ન હતી.

એક ઈન્ટરવ્યુમાં કંગનાએ ખુલાસો કર્યો હતો કે તેને 'ધ ડર્ટી પિક્ચર'ની ઓફર કરવામાં આવી હતી પરંતુ તેણે કહ્યું હતું કે તે વિદ્યા બાલન કરતાં વધુ સારું કરી શકી ન હોત.

સલમાન ખાનની ‘બજરંગી ભાઈજાન’ માટે કંગનાનો સંપર્ક કરવામાં આવ્યો હતો, જેમાં બાદમાં કરીના કપૂર ખાન જોવા મળી હતી.

રિપોર્ટ અનુસાર, ફિલ્મ ‘સુલતાન’ માટે કંગના પ્રથમ પસંદગી હતી, પરંતુ તેણે ફિલ્મની ઓફર ઠુકરાવી દીધી હતી કારણ કે તેને લાગતું હતું કે ફિલ્મમાં તેના માટે કાંઇ નથી. બાદમાં આ ફિલ્મ અનુષ્કા શર્માને ઓફર કરાઇ હતી.