Bhool Bhulaiyaa 2 માટે કરોડો રૂપિયા લઇ રહ્યો છે Kartik Aaryan, જાણો કોને મળી રહી છે કેટલી ફીસ?

કાર્તિક આર્યન સ્ટારર ફિલ્મ ભૂલ ભૂલૈયા 2 ની રિલીઝની ચાહકો આતુરતાથી રાહ જોઈ રહ્યા છે. આ ફિલ્મ અક્ષય કુમારની સુપરહિટ ફિલ્મ ભૂલ ભૂલૈયાની સિક્વલ છે. આવો જાણીએ ભૂલ ભૂલૈયા 2 માટે કયા સ્ટારે કેટલી ફી લીધી છે.

કાર્તિક ભૂલ ભૂલૈયા 2 નો મુખ્ય અભિનેતા છે, જેમાં તે રૂહાન રંધાવા એટલે કે રૂહ બાબાની ભૂમિકા ભજવતો જોવા મળશે. રિપોર્ટ અનુસાર, કાર્તિકે આ ફિલ્મ માટે 15 કરોડ રૂપિયાની ફી લીધી છે.

ભૂલ ભૂલૈયા 2 માં પહેલીવાર કિયારા અડવાણી અને કાર્તિકની જોડી દર્શકોનું મનોરંજન કરતી જોવા મળશે. ફિલ્મમાં કિયારાના પાત્રનું નામ રીત ઠાકુર છે. પડદા પર મંજુલિકાની ભૂમિકા ભજવવા માટે અભિનેત્રીને 2 કરોડ રૂપિયા આપવામાં આવ્યા છે.

બોલિવૂડની શક્તિશાળી અભિનેત્રીઓમાંની એક તબ્બુ પણ ભૂલ ભુલૈયાની સિક્વલનો એક ભાગ છે. ફિલ્મમાં તબ્બુ કનિકા શર્માની ભૂમિકા ભજવતી જોવા મળશે. આ રોલ માટે તેને 2 કરોડ રૂપિયાની ફી ચૂકવવામાં આવી છે.

ફિલ્મમાં ફરી એકવાર રાજપાલ યાદવ પોતાની કોમેડીથી ફેન્સને ખુશ કરવા તૈયાર છે. તેણે 'છોટા પંડિત'નું પાત્ર ભજવવા માટે 1.25 કરોડ રૂપિયા લીધા છે.

સંજય મિશ્રાએ આ ફિલ્મ માટે 70 લાખ રૂપિયા ફી લીધી છે.

ટીવી એક્ટર અમર ઉપાધ્યાય આ ફિલ્મમાં તબ્બુના પતિની ભૂમિકામાં જોવા મળશે. જેના માટે તેને 30 લાખ રૂપિયા આપવામાં આવ્યા છે.

મિલિંદ ગુણાજે આ ફિલ્મ માટે 5 લાખ રૂપિયા ચાર્જ કર્યા છે.