ફિલ્મોમાં કામ કર્યા વિના વૈભવી લાઇફ જીવે છે હાર્દિક પંડ્યાની એક્સ વાઇફ નતાશા

નતાશા સ્ટેનકોવિક અને હાર્દિક પંડ્યાના છૂટાછેડાની અફવાઓ ઘણા મહિનાઓથી ફેલાઈ રહી હતી. આખરે કપલે ગઈકાલે તેમના ડિવોર્સની પુષ્ટી કરી હતી. આ બધાની વચ્ચે નતાશા પોતાના પુત્ર સાથે મુંબઈ છોડીને સર્બિયા ચાલી ગઈ છે. ચાલો જાણીએ કે નતાશા ફિલ્મોમાં કામ કર્યા વિના જ ક્યાંથી કરોડો કમાય છે.

4 માર્ચ, 1992ના રોજ સર્બિયામાં જન્મેલી નતાશા સ્ટેનકોવિકે પોતાની કારકિર્દીની શરૂઆત ઘણી પ્રખ્યાત બ્રાન્ડ્સથી કરી હતી. તેણે આલ્બમ્સમાં પણ કામ કર્યું છે.

2013માં નતાશાએ પ્રકાશ ઝાના ફિલ્મ 'સત્યાગ્રહ'થી બોલિવૂડમાં ડેબ્યૂ કર્યું હતું. જોકે, તેને અજય દેવગન સાથેના ડાન્સ નંબર 'અઇયો જી'થી બોલિવૂડમાં ઓળખ મેળવી હતી.

2016માં નતાશાએ સૌરભ વર્મા દ્વારા દિગ્દર્શિત થ્રિલર ફિલ્મ '7 અવર્સ ટુ ગો' કરી હતી. આ ફિલ્મમાં તેણે પોલીસની ભૂમિકા ભજવી હતી. આ ફિલ્મમાં શિવ પંડિત, સંદીપા ધર અને વરુણ બડોલા પણ હતા. આ ફિલ્મ એક સત્ય ઘટના પરથી પ્રેરિત છે.

નતાશાએ વરુણ શર્મા, અલી ફઝલ અને પુલકિત સમ્રાટ સ્ટારર ફિલ્મ ફુકરે રિટર્ન્સમાં તેના ડાન્સ નંબર મહેબૂબા સાથે પણ ચર્ચા જગાવી હતી. નતાશાએ શાહરૂખ ખાનની ઝીરોમાં કેમિયો પણ કર્યો હતો.

ફિલ્મો સિવાય નતાશા નાના પડદાના રિયાલિટી શો બિગ બોસ 9 અને ડાન્સ રિયાલિટી શો નચ બલિયે 9માં પણ જોવા મળી હતી.

નતાશા બાદમાં ક્રિકેટર હાર્દિક પંડ્યા સાથેના સંબંધોને કારણે ચર્ચામાં રહી હતી.નતાશાએ વર્ષ 2020માં હાર્દિક સાથે કોર્ટ મેરેજ કર્યા હતા અને લગ્નના બે મહિના બાદ જ કપલે પુત્ર અગસ્ત્યનું સ્વાગત કર્યું હતું. લગ્ન અને માતા બન્યા બાદ નતાશા ફિલ્મોથી દૂર રહી હતી.

નતાશા અત્યારે ફિલ્મો નથી કરી રહી પરંતુ અભિનેત્રી ઘણા પ્રોજેક્ટ્સ, જાહેરાતો અને ઇન્સ્ટાગ્રામ પ્રમોશન દ્વારા કમાણી કરે છે.

મીડિયા રિપોર્ટ્સ અનુસાર નતાશાની નેટવર્થની વાત કરીએ તો અભિનેત્રી 20 કરોડ રૂપિયાની સંપત્તિની માલિક છે.