Ira-Nupur Wedding: એકદમ કૂલ અંદાજમાં આયરા ખાન સાથે નૂપુરે કર્યા લગ્ન

Ira khan Nupur Shikhare Wedding: રજિસ્ટર્ડ મેરેજ પછી આયરા ખાન અને નુપુર શિખરે મીડિયા સામે પોઝ આપ્યા હતા. બાદમાં આયરા ખાન અને નુપુર શિખરેના પરિવારજનો પણ તેમની સાથે જોડાયા હતા.

આમિર ખાનની દીકરી આયરા ખાને તેના બોયફ્રેન્ડ નુપુર શિખરે સાથે લગ્ન કરી લીધા છે. આ કપલે નજીકના મિત્રો અને પરિવાર વચ્ચે કોર્ટ મેરેજ કર્યા હતા. લગ્ન બાદ આ કપલની તસવીરો સામે આવી રહી છે જેમાં વર-કન્યા ખૂબ જ સુંદર લાગી રહ્યા છે.

આયરા ખાને તેના ડ્રીમ ડે માટે ખૂબ જ સ્ટાઇલિશ લુક પસંદ કર્યો હતો. મહારાષ્ટ્રીયન લુકમાં તેણી સુંદર લાગી રહી હતી. તેણે બ્લૂ કલરના બ્લાઉઝ સાથે ગોલ્ડન શલવાર પહેર્યો હતો અને તેને બે દુપટ્ટા સાથે કેરી કર્યો હતો.. આયરાએ હેવી જ્વેલરી અને કોલ્હાપુરી ચપ્પલ સાથે પોતાનો લુક પૂર્ણ કર્યો હતો.

લગ્નના દિવસે નુપુર શિખરે બ્લૂ કલરની શેરવાની પહેરી હતી જેમાં તે એકદમ ડેશિંગ લાગતો હતો.

આયરા ખાન અને નુપુર શિખરે પણ તેમના લગ્ન બાદ આમિર ખાન સાથે પોઝ આપ્યા હતા. આમિરે ઑફ-વ્હાઇટ ધોતી કુર્તો, શાલ અને ગુલાબી રંગની પાઘડી પહેરી હતી.

ફોટો સેશન દરમિયાન આયરા ખાને તેના બે ભાઈઓ સાથે તસવીરો ક્લિક કરાવી હતી. જ્યારે તેનો મોટો ભાઈ જુનૈદ ખાન ગ્રે સૂટમાં ડેશિંગ દેખાતો હતો, તો તેનો નાનો ભાઈ આઝાદ પણ બ્લૂ કલરના સૂટમાં જોવા મળ્યો હતો.

લગ્નમાં ફોટો સેશન દરમિયાન આમિર તેની પૂર્વ પત્ની કિરણ રાવને કિસ કરતો જોવા મળ્યો હતો.

કપલે તેના પરિવારના સભ્યો સાથે ફોટા ક્લિક કરાવ્યા હતા. જેમાં આયરાની માતા રીના દત્તા અને નૂપુરની માતા પણ જોવા મળી હતી.

આયરા ખાન અને નુપુર શિખરેએ કોર્ટ મેરેજ કર્યા છે અને તેઓ ઉદયપુરમાં વેડિંગ રિસેપ્શન આપશે.