Kriti Kharbanda Birthday: મુંબઇ આવવાના નિર્ણય પર પસ્તાવો થયો હતો આ એક્ટ્રેસને, આપી ફક્ત એક હિટ ફિલ્મ

Kriti Kharbanda Birthday: બોલિવૂડ એક્ટ્રેસ કૃતિ ખરબંદા લાંબા સમયથી ઇન્ડસ્ટ્રીમાં સક્રિય છે. જોકે તેની ફિલ્મો કંઈ ખાસ કરી શકી નથી. તેણે અત્યાર સુધી માત્ર એક જ હિટ ફિલ્મ આપી છે, તે પણ મલ્ટી સ્ટારર અભિનેત્રી કૃતિ ખરબંદા ઇન્ડસ્ટ્રીની લોકપ્રિય અભિનેત્રીઓમાંની એક છે. તે લાંબા સમયથી ઈન્ડસ્ટ્રીમાં પોતાનું સ્થાન બનાવવાનો પ્રયાસ કરી રહી છે. જો કે તેની ફિલ્મોની હાલત કંઈ ખાસ રહી નથી. અભિનેત્રીએ કહ્યું હતું કે જ્યારે તેની ફિલ્મોને સફળતા મળી નહી અને તેને સારા પ્રોજેક્ટ્સ મળી રહ્યા નથી ત્યારે તેનું દિલ તૂટી જાય છે

કૃતિએ કહ્યું- મુંબઈ આવવાના મારા નિર્ણય પર મને અફસોસ હતો. મને લાગવા માંડ્યું કે કદાચ હું આ ઈન્ડસ્ટ્રી માટે નથી બની. પરંતુ તેણે મને મજબૂત કરી. હિંમત હારવી એ મારા માટે વિકલ્પ નહોતો. જો ત્યાં કોઈ વિકલ્પ હોત, તો મેં કદાચ છોડી દીધું હોત. ભગવાનનો આભાર કે મેં તે કર્યું નથી.

કૃતિ ખરબંદાએ સાઉથની ફિલ્મોથી ઈન્ડસ્ટ્રીમાં પ્રવેશ કર્યો હતો. તેણે 2009માં સાઉથની ફિલ્મો કરવાની શરૂઆત કરી હતી. તે તેલુગુ અને કન્નડ ફિલ્મોમાં જોવા મળી છે.

કૃતિએ 2016માં રાઝ રીબૂટથી બોલિવૂડમાં એન્ટ્રી કરી હતી. તેમની આ ફિલ્મ ફ્લોપ રહી હતી. આ પછી તેની ગેસ્ટ ઇન લંડન, શાદી મેં જરૂર આના, વીરે કી વેડિંગ, કારવાં અને યમલા પગલા દીવાના ફિર, પાગલપંતી પણ ફ્લોપ રહી હતી.

કૃતિની ફિલ્મ શાદી મેં જરુર આનાની ખૂબ ચર્ચા થઈ હતી. ફિલ્મ ભલે બોક્સ ઓફિસ પર કલેક્શન ન કરી શકી હોય, પરંતુ આ ફિલ્મ ચાહકોના દિલમાં એક ખાસ સ્થાન ધરાવે છે.

કૃતિની માત્ર એક જ ફિલ્મ હિટ રહી છે. આ ફિલ્મ 2019માં આવી હતી. ફિલ્મનું નામ હાઉસફુલ 4 છે. આ એક મલ્ટી સ્ટારર ફિલ્મ છે. આ ફિલ્મે 194.60 કરોડનું કલેક્શન કર્યું હતું.

2020માં કૃતિ Taishમાં જોવા મળી હતી. તે ઝી 5 પર રીલિઝ થઇ હતી. ફિલ્મને બહુ રિસ્પોન્સ મળ્યો નહોતો. હવે અભિનેત્રી પાસે ‘રિસ્કી રોમિયો’ અને એક અનટાઈટલ્ડ ફિલ્મ છે.