Lok Sabha Election 2024: અક્ષય કુમારથી લઇને જાન્હવી કપૂર સુધી, બોલિવૂડના આ સ્ટાર્સે કર્યું મતદાન

બોલિવૂડના ખિલાડી કુમાર એટલે કે અક્ષય કુમારે ગયા વર્ષે ઓગસ્ટમાં ભારતીય નાગરિકતા મેળવ્યા બાદ આજે પહેલીવાર પોતાના મતાધિકારનો ઉપયોગ કર્યો હતો.

અક્ષય કુમાર સવારે મુંબઈના પોલિંગ બૂથ પર પહોંચ્યા હતા અને મતદાન કર્યા બાદ તેમણે કહ્યું હતું કે, હું ઈચ્છું છું કે ભારતનો વિકાસ થાય અને મજબૂત રહે. તેને જોતા જ મારો મત છે. મેં વ્યક્તિગત રીતે મતદાન કેન્દ્રમાં લગભગ 500-600 લોકોને જોયા છે.

શ્રીકાંતમાં પોતાના જોરદાર અભિનયથી આ દિવસોમાં ઘણા ચર્ચામાં રહેનારા રાજકુમાર રાવે પણ સોમવારે સવારે પોતાનો મત આપ્યો હતો.

આ દરમિયાન અભિનેતાએ કહ્યું, આ આપણા દેશ પ્રત્યેની મોટી જવાબદારી છે, આપણે મતદાન કરવું જોઈએ. અમારા માધ્યમથી જો લોકો પ્રભાવિત થાય છે તો તે ચોક્કસપણે સૌથી મોટી બાબત છે કે લોકો મતદાનના મહત્વ વિશે જાણે છે, તેથી હું ખૂબ જ ખુશ છું કે ચૂંટણી પંચે મને રાષ્ટ્રીય આઇકન તરીકે પસંદ કર્યો છે અને હું દરેકને અપીલ કરું છુંકે ઘરની બહાર નીકળો અને મતદાન કરો. આપણે બધા ઈચ્છીએ છીએ કે આપણો દેશ આગળ વધે.

દંગલ ફેમ એક્ટ્રેસ સાન્યા મલ્હોત્રા પણ મુંબઈના પોલિંગ બૂથ પર પહોંચી અને પોતાના મતાધિકારનો ઉપયોગ કર્યો હતો. આ દરમિયાન સાન્યા મલ્હોત્રા ઓલ બ્લેક આઉટફિટમાં જોવા મળી હતી.

ગુલાબી રંગનો અનારકલી સૂટ પહેરીને જાન્હવી કપૂર પણ પોતાના મતાધિકારનો ઉપયોગ કરવા માટે મુંબઈના એક મતદાન મથક પર પહોંચી હતી.

મતદાન કર્યા પછી અભિનેત્રી પોલિંગ બૂથની બહાર નીકળતી વખતે હસતી જોવા મળી હતી.

બોલિવૂડ એક્ટ્રેસ શ્રિયા સરન પણ મુંબઈના વર્સોવામાં પોલિંગ બૂથ પર પહોંચી અને મતદાન કર્યું હતું.

સની કૌશલ પણ વહેલી સવારે મતદાન કેન્દ્ર પર પહોંચી ગયો હતો. પોતાનો મત આપ્યા પછી સનીએ ફોટા ક્લિક કરાવ્યા હતા