માત્ર પાંચ હજાર લઈ ભારત આવી હતી આ એક્ટ્રેસ, ડાન્સના સહારે બનાવી કરોડોની પ્રોપર્ટી

બોલીવૂડની 'દિલબર ગર્લ' નોરા ફતેહી ખૂબ જ શાનદાર ડાન્સર છે. જેણે સાત સમંદર પારથી આવીને ઘણા સંઘર્ષ બાદ ઈન્ડસ્ટ્રીમાં પોતાની ઓળખ બનાવી છે. આજે, અભિનેત્રીના જન્મદિવસ પર અમે તમને તેના જીવનના તે ભાગનો પરિચય કરાવી રહ્યા છીએ. જે કદાચ તમે પહેલા ક્યારેય નહિ સાંભળ્યું હોય..

બહુ ઓછા લોકો જાણે છે કે આજે લક્ઝરી લાઈફસ્ટાઈલની માલિક બનેલી નોરા ફતેહી એક સમયે માત્ર પાંચ હજાર રૂપિયામાં સ્ટાર બનવા ભારત આવી હતી. ભારત આવ્યા બાદ નોરાને ઘણી સમસ્યાઓનો સામનો કરવો પડ્યો હતો.

તેના સંઘર્ષના દિવસો દરમિયાન ટકી રહેવા માટે, નોરાએ પહેલા કોફી શોપમાં કામ કર્યું અને પછી ટેલીકોલર તરીકે પણ કામ કર્યું. એટલું જ નહીં, અભિનેત્રીના જીવનમાં એક એવો સમયગાળો પણ આવ્યો જ્યારે તે લોટરીની ટિકિટ વેચતી હતી.

પછી એક દિવસ નોરાને ફિલ્મ 'રોરઃ ટાઈગર ઓફ ધ સુંદરબન'માં કામ કરવાની તક મળી અને તેનું નસીબ ચમક્યું. ફિલ્મમાં તેના કામની ખૂબ પ્રશંસા થઈ અને અહીંથી નોરાની સ્ટાર બનવાની સફર શરૂ થઈ.

ત્યારબાદ સાઉથ સિનેમામાં પોતાની એક્ટિંગ સ્કિલ બતાવ્યા બાદ નોરાએ 'બિગ બોસ 9'માં ભાગ લીધો હતો. આ શોમાં નોરાએ એવા મૂવ્સ બતાવ્યા કે તે રાતોરાત સ્ટાર બની ગઈ. આ પછી નોરાએ 'ઝલક દિખલા જા'માં પોતાના ડાન્સથી આખી દુનિયાને દીવાના બનાવી દીધી હતી.

આ શો પછી નોરાએ જ્હોન અબ્રાહમની ફિલ્મ 'સત્યમેવ જયતે'માં 'દિલબર દિલબર' ગીત કર્યું, જે તેની કારકિર્દીનો ટર્નિંગ પોઈન્ટ બની ગયો. આ પછી નોરાએ સલમાન ખાન સાથે ફિલ્મ ‘ભારત’માં કામ કર્યું. ત્યારબાદ અભિનેત્રીએ 'બાટલા હાઉસ'માં 'સાકી સાકી' અને ફિલ્મ 'સ્ત્રી'માં 'કમરિયા' પર ડાન્સ કરીને બધાને દિવાના બનાવી દીધા હતા.

તમને જણાવી દઈએ કે હવે નોરા ઘણી વખત બોલિવૂડના મોટા સ્ટાર્સ સાથે ડાન્સ રિયાલિટી શોને જજ કરતી જોવા મળી છે. અભિનેત્રીની નેટવર્થની વાત કરીએ તો રિપોર્ટ્સ અનુસાર તે 39 કરોડ રૂપિયા છે.

(તમામ તસવીરો નોરા ફતેહી ઈન્સ્ટાગ્રામ)